ఆ యాడ్ చేస్తున్న ‘ప్రేమలు’ బ్యూటీ మమిత బైజు.. వీడియో వైరల్

దిశ, సినిమా: మలయాళ బ్యూటీ మమిత బైజు గురించి ప్రత్యేకంగా చెప్పాల్సిన పని లేదు. ఈమె గతంలో ఎన్నో సినిమాలు చేసిన రాని గుర్తింపు తెలుగులో వచ్చిన ‘ప్రేమలు’ మూవీతో వచ్చింది. తన అందం, అభినయంతో తెలుగు కుర్రాళ్ల మనసు గెలుచుకుంది. ఈ మూవీతో ఈ బ్యూటీ క్రేజ్ అమాంతం పెరిగిపోయింది. దీంతో వరుస ఆఫర్లు క్యూ కడుతున్నాయి. ఈమె నటనకు దర్శక ధీరుడు రాజమౌళి సైతం ఫిదా అయ్యారు. ప్రస్తుతం మమిత బైజు స్టార్ హీరోయిన్ అయిపోయింది. వేరే భాషల్లో కూడా ఇప్పుడిప్పుడే అవకాశాలు తెచ్చుకుంటుంది.

మమిత బైజుకి ప్రేమలు సినిమాతో స్టార్ డమ్ రావడంతో పలు యాడ్స్ కూడా వస్తున్నాయి. లోకల్ మలయాళం యాడ్స్ తో పాటు నేషనల్ లెవెల్ యాడ్స్ కూడా వస్తున్నాయి. ఇటీవల మంచ్ చాకోలెట్ కి మమిత బైజు యాడ్ చేసింది. ఈ యాడ్ వచ్చి రెండు వారాలు అవుతున్నా ఇప్పుడు సోషల్ మీడియాలో ట్రెండ్ అవుతుంది. ఓ పక్క సినిమాలు, మరో పక్క యాడ్స్ తో మమిత బైజు దూసుకుపోతుంది అని చెప్పవచ్చు. ప్రస్తుతం ఈ మలయాళ కుట్టి ప్రేమలు 2 షూటింగ్ లో బిజీగా ఉంది. మీరు కూడా మమిత బైజు చేసిన మంచ్ యాడ్ చూసేయండి.