ఆరేళ్ల తర్వాత స్టార్ హీరో ‘రైడ్’ సినిమాకు సీక్వెల్.. రిలీజ్ డేట్‌ అనౌన్స్ చేసిన మేకర్స్

దిశ, సినిమా: ఇటీవల కాలంలో స్టార్ హీరోల సినిమాలకు సీక్వెల్స్ తెరకెక్కుతూ బ్లాక్ బస్టర్ హిట్ అవుతున్నాయి. అంతేకాకుండా ప్రేక్షకులను అలరిస్తూ కలెక్షన్లు కూడా భారీగానే రాబడుతున్న సంగతి తెలిసిందే. తాజాగా, బాలీవుడ్ స్టార్ హీరో అజయ్ దేవగన్ ‘రైడ్’ సినిమాకు సీక్వెల్ రాబోతున్నట్లు అధికారిక ప్రకటన విడుదలైంది. సెకండ్ పార్ట్‌లో కూడా అజయ్ దేవగన్ హీరోగా నటిస్తుండగా.. రితేష్ దేశ్‌ముఖ్, వాణి కపూర్ ప్రధాన పాత్రలో కనిపించబోతున్నారు. దీనిని రాజ్ కుమార్ తెరకెక్కిస్తుండగా.. పనోరమా స్టూడియోస్ బ్యానర్స్‌పై భూషణ్ కుమార్ మంగత్ పాఠక్, అభిషేక్ పాఠక్, క్రిషన్ కుమార్ నిర్మిస్తున్నారు.

అయితే రైడ్-2 సినిమా 2025 మహాశివరాత్రి కానుకగా ఫిబ్రవరి 21న ప్రపంచ వ్యాప్తంగా విడుదల కాబోతుంది. ఈ మేరకు చిత్రబృందం ఓ పోస్టర్‌ను విడుదల చేయడంతో అది కాస్త నెట్టింట వైరల్ అవుతోంది.కాగా.. 2018లో థియేటర్స్‌లో రిలీజ్ అయి బాక్సాఫీసు వద్ద హిట్ టాక్ తెచ్చుకున్న రైడ్ రూ. 150 కోట్ల వరకు వసూళ్లు రాబట్టిన సంగతి తెలిసిందే. ఈ సినిమాను మిస్టర్ బచ్చన్ పేరిట తెలుగులో రీమేక్ చేయగా డిజాస్టర్ అయింది. ఆరేళ్ల తర్వాత ఇప్పుడు రైడ్-2 రాబోతున్నట్లు మేకర్స్ అనౌన్స్ చేయడంతో అందరి దృష్టి దీనిపై పడింది.AjayDevgn