రెండో సినిమాపై కీలక అప్‌డేట్ ఇచ్చిన ‘బలగం’ డైరెక్టర్

దిశ, వెబ్‌డెస్క్: ఇటీవల విడుదలై అన్ని వర్గాల ప్రేక్షకులను మెప్పించిన చిత్రం ‘బలగం’. కుటుంబ విలువలను గ్రామీణ ప్రజల జీవన విధానాన్ని కళ్లకు కట్టినట్లు డైరెక్టర్ వేణు తెరకెక్కించారు. అప్పటివరకు కమెడియన్ గా గుర్తింపు తెచ్చుకున్న వేణు ఒక్కసారిగా ‘బలగం’ మూవీతో అందరి దృష్టిని ఆకర్షించారు. అయితే తాజాగా తన రెండో సినిమాపై కీలక అప్ డేట్ ఇచ్చారు. ఈ మేరకు సోమవారం రెండో సినిమా స్క్రిప్టు వర్క్ పనుల్ని ప్రారంభించినట్లు తెలిపాడు.

ఇందుకు సంబంధించి పేపర్, పెన్ను ఫోటోని సోషల్ మీడియాలో షేర్ చేశాడు. ఈ చిత్రం కూడా బలగం సినిమాలాగే హిట్ కావాలని నెటిజన్లు కామెంట్లు పెడుతున్నారు. ఇక రెండో సినిమా కథేంటీ? హీరో హీరోయిన్లు ఎవరు అనేది ఆసక్తిగా మారింది. చిన్న చిత్రంగా వచ్చిన ‘బలగం’ పెద్ద హిట్ సొంతం చేసుకుంది. సినిమాను గ్రామాల్లో తెరలపై ప్రదర్శించడం విశేషం. తనదైన మార్క్ కామెడీ, డైలాగ్స్, స్టోరీతో ఆకట్టుకున్న డైరెక్టర్ వేణు తీస్తున్న రెండో సినిమాపై కూడా అంచనాలు భారీగానే ఉన్నాయి.

Also Read: ఆదిపురుష్ సినిమా ఓ భయానకమైన జోక్.. నటుడు షాకింగ్ కామెంట్స్..