ఇండస్ట్రీలో మోస్ట్ వాంటెడ్ హీరోయిన్‌గా మారిపోయిన బ్యూటీ.. ఏకంగా పది సినిమాల్లో చాన్స్!
యంగ్ బ్యూటీ త్రిప్తి డిమ్రి పలు చిత్రాల్లో నటించింది. అయినప్పటికీ పెద్దగా గుర్తింపు రాలేదు. గత ఏడాది రణబీర్ కపూర్‌తో త్రిప్తి యానిమల్ సినిమాలో నటించింది.
దిశ, సినిమా: యంగ్ బ్యూటీ త్రిప్తి డిమ్రి పలు చిత్రాల్లో నటించింది. అయినప్పటికీ పెద్దగా గుర్తింపు రాలేదు. గత ఏడాది రణబీర్ కపూర్‌తో త్రిప్తి ( Tripti Dimri ) యానిమల్ సినిమాలో నటించింది. ఇందులో కీలక పాత్రలో కనిపించిన ఈ అమ్మడు బోల్డ్ సీన్స్‌తో రెచ్చిపోయింది. దీంతో త్రిప్తి ఓవర్ నైట్ స్టార్‌గా మారిపోయింది. అలాగే సోషల్ మీడియాలోనూ ఫుల్ పాపులారిటీ వచ్చి సెన్సేషన్‌ క్రియేట్ చేసింది. సినిమా విడుదలై కొన్ని నెలలు గడిచి పోయినప్పటికీ త్రిప్తి క్రేజ్ ఏ మాత్రం తగ్గలేదు. ఇప్పటికీ ఆమె చేసిన సీన్స్‌ను కుర్రాళ్లు మళ్లీ మళ్లీ చూస్తున్నారు.
ఇదిలా ఉంటే.. తాజాగా, త్రిప్తికి సంబంధించిన ఓ వార్త సోషల్ మీడియాను షేక్ చేస్తుంది. ఈ అమ్మడు ప్రస్తుతం వరుస చిత్రాల్లో ఆఫర్లు కొట్టేస్తూ ఇండస్ట్రీలో మోస్ట్ వాంటెడ్ హీరోయిన్‌గా మారిపోయిందని తెలుస్తోంది. ఇప్పుడు ఆ బ్యూటీ చేతిలో ఏకంగా పది ప్రాజెక్ట్స్ ఉన్నట్లు టాక్. టాలీవుడ్‌లో ఏకంగా నాలుగు సినిమాలు చేస్తుండటం గమనార్హం. దీంతో టాలీవుడ్‌లో స్టార్ హీరోయిన్స్‌గా కొనసాగుతున్న వారికి గట్టి షాక్ తగిలినట్లు అయింది. ఇందులో నిజమెంత అనేది తెలియనప్పటికీ ఈ విషయం తెలిసిన అభిమానులు త్రిప్తి టాలీవుడ్, బాలీవుడ్‌ను షేక్ చేయడం ఖాయం అని అంటున్నారు.