అందమైన అమ్మాయికి క్షుద్రపూజలు చేస్తే.. నెట్టింట ఆసక్తి రేపుతోన్న ట్రైలర్

దిశ, సినిమా: శ్రీనివాస్ గోపిశెట్టి దర్శకత్వం వహించిన తంత్ర సినిమాలో అన‌న్య నాగళ్ల కీలక పాత్రలో నటించిన విషయం తెలిసిందే. ఈ చిత్రం మార్చి 15న ప్రేక్షకుల ముందుకు రానున్న ఈ సినిమా నుంచి ఇప్పటికే విడుదలైన వైవిధ్యమైన ఫస్ట్ లుక్ జనాలందరినీ భయపెట్టింది. అందులో అనన్య కన్ను ఒక్కటే కనిపిస్తుంది. కొన్ని చేతులు ఆమె ముఖాన్ని పట్టుకున్నట్లు ఉంది. తాజాగా మేకర్స్ ఈ సినిమా ట్రైలర్ ను విడుదల చేశారు.

ఇందులో అనన్య పల్లెటూరి అమ్మాయిగా, క్షుద్రపూజలకు బాధితురాలిగా కనిపించనుంది. మొత్తానికి ఈ చిత్రం క్షుద్రపూజల నేపథ్యంలో ప్రేక్షకుల ముందుకు రానున్నట్లు అర్థమవుతోంది. ప్రస్తుతం ఈ ట్రైలర్ సినిమాపై హైప్ పెంచుతోంది. ఈ సినిమా కు ఆర్ఆర్ ధృవన్ సంగీతాన్ని సమకూర్చగా.. ధనుష్ రఘుముద్రి, సలోని, టెంపర్ వంశీ మీసాల లక్షణ్, శాలిని ముఖ్య పాత్రల్లో నటించారు.

హీరోయిన్ అనన్య నాగళ్ల మల్లేశం మూవీతో టాలీవుడ్ ఇండస్ట్రీకి ఎంట్రీ ఇచ్చింది. తర్వాత పవర్ స్టార్ పవన్ కళ్యాణ్ వకీల్‌ సాబ్‌ మూవీలో నటించి మంచి పేరు సంపాదించుకుంది. ఇప్పుడు ఈ భామ తాజా చిత్రం తంత్ర మంచి విజయం సాధించాలని అభిమానులు కోరుకుంటున్నారు.