నెలరోజుల్లోనే ఓటీటీలోకి వచ్చేస్తున్న తెలుగు సినిమా.. స్ట్రీమింగ్ తేదీ ఖరారు (పోస్ట్)

దిశ, సినిమా: యంగ్ హీరో బండి సరోజ్ కుమార్ నటించడంతో పాటు దర్శకత్వం వహించిన లేటెస్ట్ మూవీ ‘పరాక్రమం’. ఇందులో హీరోయిన్‌గా శృతి సమన్వి నటించగా.. బీఎస్‌కే మెయిన్ స్ట్రీమ్ బ్యానర్‌పై తెరకెక్కించారు. ఈ సినిమా ఆగస్టు 22న థియేటర్స్‌లో విడుదలై ప్రేక్షకులను మెప్పించలేకపోయింది. అయితే పరాక్రమం చిత్రం విడుదలైన నెలరోజుల్లోనే డిజిటల్ స్ట్రీమింగ్‌కు సిద్దమైనట్లు సమాచారం.

తాజాగా, పరాక్రమం మూవీ ఓటీటీ ప్రియులను అలరించేందుకు సిద్దమైనట్లు ప్రముఖ సంస్థ అధికారిక ప్రకటనను విడుదల చేసింది. ఈ చిత్రం సెప్టెంబర్ 14 నుంచి స్ట్రీమింగ్ అందుబాటులోకి రాబోతున్నట్లు ట్విట్టర్ ద్వారా ఆహా వెల్లడించింది. అంతేకాకుండా ‘‘పులి వస్తే చెట్టుక్కుతావ్!మగర్ మచ్చొస్తే ఒడ్డెక్కుతావ్!! యముడొస్తే ఏడికి పోతావ్..’’ అనే పవర్ ఫుల్ క్యాప్షన్ జత చేశారు.