సూపర్ స్టార్ ‘వెట్టైయాన్’ అప్డేట్ ఇచ్చిన మేకర్స్.. ఆనందంలో ఫ్యాన్స్

దిశ, సినిమా: తమిళ సూపర్‌స్టార్ రజినీ కాంత్ గత ఏడాది జైలర్ సినిమాతో బ్లాక్ బస్టర్ హిట్ కొట్టాడు. అదే ఫామ్‌తో దూసుకుపోతున్న తలైవా వరుస మూవీస్ చేస్తూ కుర్ర హీరోలకు పోటీగా నిలుస్తున్నారు. ఇక ఇటీవల రజినీకాంత్ నటించిన లాల్ సలామ్ భారీ అంచనాల నడుమ విడుదలైనప్పటికీ.. బాక్సాఫీసు వద్ద విజయం అందుకోలేకపోయింది. అయితే ఆయన నటిస్తున్న తాజా చిత్రం ‘వెట్టైయాన్’. టీజే జ్ఞానవేల్ దర్శకత్వం వహిస్తున్న ఈ సినిమాలో అమితాబ్ బచ్చన్, ఫహాద్ ఫాజిల్ కీలక పాత్రల్లో నటిస్తున్నారు. అయితే ఈ సినిమా అక్టోబర్ 10న థియేటర్స్‌లో విడుదల కాబోతుంది. ఇందులో దుషారా విజయన్, రితికా సింగ్ హీరోయిన్లుగా నటిస్తున్నారు.

మంజు వారియర్, రానా దగ్గుబాటి, రావు రమేష్, రోహిణి మొల్లేటి నటిస్తున్నారు. ఈ క్రమంలో.. తాజాగా, వెట్టైయాన్ మేకర్స్ మూవీకి సంబంధించిన అప్డేట్ వదిలారు. షూటింగ్ పూర్తయింది.. పాచ్ వర్క్‌ ఉన్నట్లు తెలిపారు. అలాగే చిత్ర యూనిట్ మొత్తం కలిసి తీసుకున్న ఫొటోను ట్విట్టర్ వేదికగా షేర్ చేశారు. అయితే వెట్టైయాన్ ఫస్ట్ సింగిల్ తొందరలోనే విడుదల కాబోతున్నట్లు సమాచారం. ఇక మూవీ టీమ్ ప్రమోషన్స్‌పై ఫోకస్ పెట్టనున్నట్లు తెలుస్తోంది. షూటింగ్ కారణం ఎన్నో సినిమాలు వాయిదా పడుతున్న క్రమంలో వెట్టైయాన్ అనుకున్న తేదీకే విడుదల కాబోతున్నట్లు ప్రకటించడంతో తలైవా ఫ్యాన్స్ ఫుల్ ఖుషీ అవుతున్నారు.