గుంటూరు కారం ప్రీరిలీజ్ ఈవెంట్‌లో ఫ్యాన్స్ రచ్చ.. తొక్కిసలాటలో పలువురికి తీవ్ర గాయాలు?

దిశ, సినిమా: మాటల మాంత్రికుడు త్రివిక్రమ్ తెరకెక్కించిన ‘గుంటూరు కారం’ చిత్ర ప్రీరిలీజ్ ఈవెంట్ గుంటూరులోని నంబూరులో జరుగుతోంది. ఈ కార్యక్రమానికి.. సూపర్ స్టార్ మహేష్ బాబు, హీరోయిన్ శ్రీలీల, దర్శకుడు త్రివిక్రమ్, మ్యూజిక్ డైరెక్టర్ తమన్ లాంటి సెలబ్రిటీలు హాజరయ్యారు. ఈ స్టార్స్‌ను వీక్షించడం కోసం జనాలు రెండు రాష్ట్రాల నుంచి భారీ ఎత్తున తరలివచ్చారు. ఫ్యాన్స్‌ను కంట్రోల్ చేయడం పోలీసుల వల్ల కూడా అవ్వలేదంటే అర్థం చేసుకోండి. సుమారు 15 వేల మందికి పైగా జనాలు అక్కడికి వచ్చినట్లు పోలీసులు చెబుతున్నారు. ఇంతమందిని కంట్రోల్ చేయలేపోయామని, లాఠీ చార్జ్ చేయాల్సి వచ్చిందని, ఫ్యాన్స్ రచ్చ చేయడం వల్ల తొక్కిసలాట జరిగిందని అంటున్నారు. దీంతో పలువురుకి గాయాలు కూడా అయ్యాయని, యాజమాన్యం నిర్లక్ష్యం కారణంగానే ఈ పరిస్థితి నెలకొందని పోలీసులు సోషల్ మీడియా వేదికన వెల్లడించారు.