తిరుమల శ్రీవారిని దర్శించుకున్న హీరోయిన్ శ్రీలీల

దిశ,వెబ్‌డెస్క్: తిరుమల వెంకటేశ్వర స్వామివారిని ప్రముఖ తెలుగు సినిమా హీరోయిన్ శ్రీలీల మంగళవారం ఉదయం దర్శించుకున్నారు. వీఐపీ విరామ దర్శన సమయంలో ఆమె స్వామి వారి సేవలో పాల్గొన్నారు. టీటీడీ ఆలయ అధికారులు శ్రీలీలకు స్వాగతం పలికి.. దర్శన ఏర్పాట్లు చేశారు. దర్శనం అనంతరం రంగనాయకుల మండపంలో పండితులు అమెకు ఆశీర్వచనం చేసి స్వామివారి తీర్థప్రసాదాలు అందజేశారు. ఈ రోజు స్వామివారి అష్టదళ పాద పద్మారాధన సేవలో ఆమె పాల్గొని ప్రత్యేక పూజలు చేశారు. వరుస సినిమాలతో దూసుకుపోతున్న ఈ ముద్దుగుమ్మకు ‘రాబిన్ హుడ్’ అనే కొత్త చిత్రంలో నటించే అవకాశం వచ్చిందని తెలిపారు. ఈ సందర్భంగా శ్రీలీల మాట్లాడుతూ.. శ్రీవారిని దర్శించుకోవడం చాలా సంతోషకరం గా ఉందన్నారు. ఏదైనా మొదలు పెట్టేటప్పుడు స్వామి వారిని దర్శించుకోవడం అలవాటని తెలిపారు. త్వరలో రాబిన్‌ హుడ్‌ చిత్రంలో నటిస్తున్నట్లు ఆమె తెలిపారు.