పవన్ కళ్యాణ్ సినిమా నుంచి శ్రీలీల అవుట్.. ఫైర్ అవుతున్న ఫ్యాన్స్!

దిశ, సినిమా : ప్రస్తుతం చిత్ర పరిశ్రమలో ఎక్కువగా వినిపించే పేరు శ్రీలీల. పెళ్లి సందడి సినిమాతో టాలీవుడ్‌కు పరిచయమైన ఈ బ్యూటీ, ఇండస్ట్రీలో లేటెస్ట్ యంగ్ సెన్సేషన్‌గా మంచి పాపులారిటీ సంపాదించుకుంది. చేతిలో అరడజన్‌కు పైగా సినిమాలతో చాలా బిజీ అయిపోయింది ఈ అమ్మడు. అందం, నటన, అదిరిపోయే స్టెప్స్ వేస్తూ మంచి ఫ్యాన్ ఫాలోయింగ్ సంపాదించుకుంది. దీంతో ఈ బ్యూటీకి ఆఫర్స్ క్యూ కడుతున్నాయి.అయితే తాజాగా శ్రీలీల ఓ బడా ప్రాజెక్ట్ నుంచి తప్పుకున్నట్లు ఓ వార్త వైరల్ అవుతోంది.

హరిష్ శంకర్ దర్శకత్వంలో పవన్ కళ్యాణ్ ఉస్తాత్ భగత్ సింగ్ సినిమా తెరకెక్కుతున్న విషయం తెలిసిందే. ఇందులో శ్రీలీలను హీరోయిన్‌గా సెలెక్ట్ చేశారు. అయితే ఈ ప్రాజెక్ట్ నుంచి శ్రీలీల తప్పుకుందంట. ఈ మూవీ షూటింగ్ రోజు రోజుకు లేట్ అవ్వడంతో, దానికి కేటాయించిన డేట్స్‌ను వేరే సినిమాకు అడ్జెస్ట్ చేయడానికి రెడీ అయ్యిందంట. ఈ విషయం తెలుసుకున్న డైరెక్టర్ శ్రీలీలపై ఫైర్ కావడంతో, ఈ బ్యూటీ మూవీ నుంచి తప్పుకొని, అడ్వాన్స్ డబ్బులు వెనక్కి ఇచ్చేసినట్లు ఇండస్ట్రీలో టాక్. దీంతో శ్రీలీలపై తన ఫ్యాన్స్ మండిపడుతున్నారు. మంచి ఆఫర్ వదులుకుంది అంటూ ఫైర్ అవుతున్నారు. మరో పక్క పవన్ ఫ్యాన్స్, పవర్ స్టార్‌తో నటించాలంటే రాసిపెట్టి ఉండాలి, శ్రీలీలకు అంత అదృష్టం లేదు అంటూ ముచ్చటిస్తున్నారు.