సెట్‌పైకి శివన్న 131 మూవీ.. హ్యాట్రిక్ స్టార్‌ని కలుసుకున్న టీమ్

దిశ, సినిమా: కోలీవుడ్ స్టార్ హీరో శివ రాజ్ కుమార్ తన 131వ చిత్రాన్ని ప్రారంభించబోతున్న విషయం తెలిసిందే. ఇటీవల, ప్రొడక్షన్ టీం శివన్న పుట్టినరోజున ఇంట్రడక్షన్ టీజర్‌ను విడుదల చేసి అభిమానులను ఉత్సాహపరిచింది మూవీ టీమ్. తాజాగా, దీనికి సంబంధించిన అప్డేట్ వచ్చింది. ఈ సినిమా మేకింగ్‌కి చిత్ర యూనిట్ సిద్ధమైంది. శివన్న 131వ సినిమా షూటింగ్ త్వరలో జరగనున్నట్లు సమాచారం.

హ్యాట్రిక్ హీరో శివరాజ్ కుమార్ 131వ సినిమా షూటింగ్ లోకి దిగేందుకు టీమ్ రెడీ అవుతున్న క్రమంలో.. టీమ్ మొత్తం ఆయనను కలిశారు. దర్శకుడు కార్తీక్ అద్వైత్, నిర్మాతలు ఎన్.ఎస్. రెడ్డి, సుధీర్, సినిమాటోగ్రాఫర్ ఎ.జె. శెట్టి, ఎడిటర్ దీపు S. కుమార్ హ్యాట్రిక్ స్టార్‌ని అతని నివాసంలో కలసి ఫోటోలు దిగారు. అయితే కార్తీక్ అద్వైత్ ఈ చిత్రం ద్వారా శాండల్‌వుడ్‌లోకి ఎంట్రీ ఇస్తున్నాడు. దర్శకుడిగా అతని రెండవ మూవీ. యాక్షన్‌ థ్రిల్లర్‌గా రూపొందుతున్న ఈ చిత్రంలో శివన్న డిఫరెంట్ క్యారెక్టర్‌లో కనిపించనున్నాడు.