చావు అంచుల వరకు వెళ్లొచ్చిన సిద్దు జొన్నలగడ్డ.. వైరల్ వీడియో

దిశ, సినిమా: క్యారెక్టర్ ఆర్టిస్టులుగా ఎంట్రీ ఇచ్చి సొంత కష్టాన్ని, టాలెంట్ ని నమ్ముకుని ఒక్కో మెట్టు ఎక్కుతూ మొత్తానికి టాలీవుడ్ లో హీరోగా ఎదిగిన వారిలో యంగ్ అండ్ టాలెంటెడ్ స్టార్ సిద్ధు జొన్నలగడ్డ కూడా ఒకడు. అప్పటి వరకు ఎన్నో అద్భుతమైన చిత్రాలతో అలరించిన సిద్ధు.. ‘డీజే టిల్లు’ మూవీ తో ప్రేక్షకుల హృదయాలను కొల్లగొట్టాడు. తన స్టైలిష్ లుక్ , భాష తో యూత్ లో మంచి ఫ్యాన్ ఫాలోయింగ్ దక్కించుకున్నాడు. ప్రజెంట్ ఇప్పుడు ‘టిల్లు స్క్వేర్’ గా మరోసారి ఆడియన్స్ ముందుకు రావడానికి రెడీ అయిపోయాడు. అయితే తాజాగా తాను ఎప్పుడో చనిపోయిండేవాడిని అంటూ సిద్ధు షాకింగ్ కామెంట్స్ చేశాడు.

విషయం ఏంటి అంటే.. తాజాగా పోలీసులు నిర్వహిస్తున్న రోడ్డు భద్రతా వారోత్సవాల్లో సిద్ధు జొన్నలగడ్డ పాల్గొన్నాడు. ఆ సందర్భంగా తన లైఫ్ లో జరిగిన రెండు విషయాల గురించి ఫస్ట్ టైమ్ స్టేజ్ మీద తన అభిమానులతో పంచుకున్నాడు.. నటుడు మాట్లాడుతూ ‘నేను ఇంజనీరింగ్ చదువుతున్న రోజుల్లో ఎగ్జామ్స్ రాసి ఇంటికి వెళ్తున్నాను. కీసర నుంచి ఈసీఐఎల్ వైపు వెళ్తున్నాను. నా ఫ్రెండ్స్ కూడా వెనుక బైక్ మీద వస్తున్నారు. మా ఫ్రెండ్స్ లో ఒకడు నన్ను ఓవర్ టేక్ చేయాలి అని స్పీడ్ గా వచ్చాడు. అప్పుడు నేను కూడా 70 కిలోమీటర్ల స్పీడుతో ఉన్నాను. మా బైక్స్ హ్యాండిల్స్ గుద్దుకున్నాయి. మా రెండు బైక్స్ కింద పడిపోయాయి. అప్పుడు నా హెల్మెట్ ఫ్రంట్ పార్ట్ మొత్తం విరిగిపోయింది. నా హెల్మెట్ పైన పెద్ద హోల్ పడింది. ఆ హెల్మెట్ చూసిన తర్వాత ఆ ప్లేస్ లో నా తలను ఊహించుకుంటే చాలా భయం వేసింది. హెల్మెట్ లేకపోతే నా తలకు ఆ హోల్ పడేది.. నా స్కల్ విరిగిపోయేది.

ఇది జరిగిన కొన్నేళ్ల తర్వాత నేను నా ఫ్రెండ్స్ కారులో వెలుతున్నాం. నా ఫ్రెండ్ డ్రైవ్ చేస్తున్నాడు. మా కారుకు ఏదో అడ్డు రావడంతో ప్రమాదం జరిగింది. కారు మొత్తం 360 డిగ్రీలు రోల్ అయ్యి పల్టీ కొట్టింది. ఆ ప్రమాదంలో మా ముగ్గురు ఒంటి మీద కనీసం గీత కూడా పడలేదు. ఒక్క గీత కూడా పడకుండా మేము భయపడ్డాం , అందుకు కారణం మేము సీట్ బెల్ట్ పెట్టుకునందున్నా. ఆ రెండు సందర్భాల్లో నాకు లైఫ్ మరో ఛాన్స్ ఇచ్చింది. కాబట్టే ఇప్పుడు ‘డీజే టిల్లు’ గా మిమ్మల్ని ఎంటర్ టైన్ చేయగలిగాను. అందరికీ లైఫ్ లో ఇలాంటి అవకాశాలు వస్తాయని చెప్పలేం. అందుకే అందరూ జాగ్రత్తగా ఉండండి. ఇంట్లో మీకోసం కూడా రాధిక వెయిట్ చేస్తూ ఉంటుంది కదా? అందుకైనా జాగ్రత్తగా ఉండాలి’ అంటూ తెలిపాడు సిద్ధు ప్రజంట్ ఇందుకు సంబంధించన వీడియో సోషల్ మీడియాలో వైరల్ అవుతుంది.