ఫ్యాన్స్‌కు సడెన్ షాక్ ఇచ్చిన శృతిహాసన్..!

దిశ, సినిమా: హీరో కమల్ హాసన్ కుమార్తెగా సినీ పరిశ్రమలోకి అడుగు పెట్టింది హీరోయిన్ శృతిహాసన్. విభిన్న పాత్రల్లో నటిస్తూ, డిఫరెంట్ జోనర్స్ లో వర్స్ చేస్తూ, అగ్ర హీరోల సరసన నటిస్తూ ప్రేక్షకుల హృదయాలు గెలుచుకుంది స్టార్ కిడ్. రీసెంట్ గా తెరకెక్కిన పాన్ ఇండియా స్టార్ ప్రభాస్ సరసన ‘సలార్’ సినిమాలో నటించి మంచి మార్కులు కొట్టేసింది.

చాలా రోజుల తర్వాత ఈ అమ్మడు ఒక హిట్ సినిమాను తన ఖాతాలో వేసుకుందని చెప్పుకోవచ్చు. ఇకపోతే ఈ బ్యూటీ తరచూ డిఫరెంట్ ఫొటో షూట్లతో సోషల్ మీడియాను షేక్ చేస్తుంటుందన్న విషయం తెలిసిందే. శారీ కడితే ఎవరైనా రోటిన్ స్టైల్‌లో కట్టుకుని ఫొటో షూట్ చేస్తారు. కానీ శృతి హాసన్ ట్రెండ్ ను ఫాలో అవ్వకుండా కొత్త ట్రెండ్ ను సెట్ చేస్తుంది. తాజాగా ఈ స్టార్ కిడ్ చాలా రోజుల తర్వాత రాయల్ లుక్ లో మెరిసింది.

నుదుటన కాస్త పెద్దగా బొట్టు పెట్టి బ్యూటీఫుల్ లుక్స్‌తో నెట్టింట జనాలను ఆకట్టుకుంటుంది. తమ అభిమాన కథానాయిక నిండైన దుస్తుల్లో కనిపించడంతో ఒకరిని మించి మరొకరు పోటీపడి పొగడ్తల వర్షం కురిపిస్తున్నారు. మరికొంతమందేమో ఏంటి మేడమ్ సడన్‌గా ఇలా షాక్ ఇచ్చావ్.. చీర కట్టులో కూడా గ్లామర్ షో చేసే మీరు ఇంత నిండైన చీరలో చూడడం కష్టంగా ఉందంటూ కామెంట్లు చేస్తున్నారు. ప్రస్తుతం శృతి హాసన్ లేటెస్ట్ ఫొటో షూట్ సోషల్ మీడియాలో వైరల్ అవుతోంది.