హాలీవుడ్ సినిమాలో హీరోయిన్‌గా Shruti Haasan
స్టార్ హీరోయిన్ శ్రుతి హాసన్ గురించి కొత్తగా పరిచయం చేయాల్సిన పనిలేదు. లోక నాయకుడు కమల్ హాసన్ కూతురు అయినప్పటికీ సొంత టాలెంట్‌తోనే హీరోయిన్‌గా ప్రత్యేక గుర్తింపు తెచ్చుకుంది. కొంతకాలం గ్యాప్ తర్వాత.. Latest Telugu News
దిశ, సినిమా : స్టార్ హీరోయిన్ శ్రుతి హాసన్ గురించి కొత్తగా పరిచయం చేయాల్సిన పనిలేదు. లోక నాయకుడు కమల్ హాసన్ కూతురు అయినప్పటికీ సొంత టాలెంట్‌తోనే హీరోయిన్‌గా ప్రత్యేక గుర్తింపు తెచ్చుకుంది. కొంతకాలం గ్యాప్ తర్వాత సెకండ్ ఇన్నింగ్స్‌లో వరుస సినిమాలు చేస్తున్న శ్రుతి.. ఇప్పుడు సీనియర్ హీరోలకు బెస్ట్ ఆప్షన్‌లా మారింది. ఇక మనకు తెలిసినంత వరకు ప్రియాంక చోప్రా, దీపికా ప‌దుకొనెతో పాటు ప‌లువురు ఇండియ‌న్ హీరోయిన్లు మాత్రమే హాలీవుడ్ సిల్వర్ స్క్రీన్‌పై మెరవగా.. ప్రస్తుతం శ్రుతిహాస‌న్ కూడా వీరి జాబితాలో చేరిపోయింది. 'ది ఐ' పేరుతో గ్రీక్‌, ఇంగ్లీష్ భాష‌ల్లో తెరకెక్కుతున్న సైకలాజికల్ థ్రిల్లర్ మూవీలో శ్రుతి హీరోయిన్‌గా నటిస్తోంది. ఈ హాలీవుడ్ మూవీలో తను విధ‌వ‌రాలి పాత్రలో క‌నిపించ‌బోతుండగా.. కథానుసారం పెళ్లయిన కొద్ది నెల‌ల్లోనే భ‌ర్తకు దూర‌మై జీవితాన్ని చాలెంజింగ్‌గా తీసుకునే మహిళగా కనిపించనుంది. 1980 బ్యాక్‌డ్రాప్‌లో తెర‌కెక్కనున్న ఈ సినిమాకు డ్రాఫ్నే ష్నోమ‌న్ ద‌ర్శక‌త్వం వ‌హిస్తోంది. ఈ నెల‌లో రెగ్యుల‌ర్ షూటింగ్ మొదలవనుండగా.. శ్రుతి ఇటీవలే గ్రీస్‌ వెళ్లిన‌ట్లు సమాచారం.