రజినీకాంత్ సినిమాలో శృతి హాసన్.. ఫస్ట్ లుక్ పోస్టర్ రిలీజ్

దిశ, సినిమా: సూపర్ స్టార్ రజనీకాంత్ ప్రజెంట్ వరుస సినిమాలు చేస్తూ దూసుకుపోతున్నాడు. ఈ క్రమంలోనే వస్తున్న తాజా మూవీ ‘కూలీ’. తమిళ అగ్ర డైరెక్టర్ లోకేష్ కనగరాజ్ దర్శకత్వం వహించిన ఈ మూవీని సన్‌పిక్చర్స్ బ్యానర్‌పై కళానిధిమారన్ భారీ బడ్జెట్‌తో నిర్మిస్తున్నాడు. ప్రస్తుతం శర వేగంగా షూటింగ్ జరుపుకుంటున్న‘కూలీ’ సినిమా నుంచి వరుస అప్‌డేట్స్ ఇస్తూ సందడి చేస్తున్నారు మూవీ మేకర్స్. ఈ క్రమంలోనే గురువారం అక్కినేని నాగార్జున ‘సైమ‌న్’ అనే పాత్రలో న‌టిస్తున్నట్లు ప్రకటించిన చిత్ర బృందం.. తాజాగా శృతి హాసన్ లుక్‌ను రిలీజ్ చేశారు. ఇందులో శృతి హాసన్ ‘ప్రీతి’ అనే పాత్రలో న‌టిస్తున్నట్లు పోస్టర్ చూస్తే తెలుస్తుండగా.. చేతిలో పెద్ద ఆయుధం పట్టుకుని ఉన్న హీరోయిన్ లుక్‌కు ఫిదా అవుతున్నారు ఫ్యాన్స్.