మాస్‌కే మంటెక్కించే పోస్టర్.. 'ఘోస్ట్' నుంచి శివన్న ఫస్ట్ లుక్

దిశ, సినిమా : కన్నడ స్టార్ హీరో శివరాజ్ కుమార్ నటించిన తొలి పాన్ ఇండియా మూవీ 'ఘోస్ట్'. యాక్షన్ థ్రిల్లర్‌గా తెరకెక్కుతున్న ఈ చిత్రానికి 'బీర్బల్' మూవీ ఫేమ్ శ్రీని దర్శకత్వం వహిస్తున్నారు. సందేశ్ ప్రొడక్షన్స్‌పై ప్రముఖ పొలిటిషియన్ సందేశ్ నాగరాజు ఈ సినిమాను నిర్మిస్తున్నారు. మంగళవారం(జులై 12న) శివ రాజ్‌కుమార్ 60వ జన్మదినం సందర్భంగా స్టార్ హీరో కిచ్చా సుదీప్ 'ఘోస్ట్' ఫస్ట్ లుక్ పోస్టర్‌ రిలీజ్ చేశారు.

ఈ సందర్భంగా మాట్లాడిన సుదీప్.. శివన్నను 'కింగ్ ఆఫ్ ఆల్ మాసెస్'గా అభివర్ణించాడు. ఇక తుపాకీ పట్టుకున్న శివరాజ్ కుమార్ ఇంటెన్స్ లుక్‌తో కూడిన పోస్టర్ ప్రేక్షకులను విపరీతంగా ఆకట్టుకుంది. ముఖ్యంగా కారుతో డిజైన్ చేసిన రివాల్వర్‌, బ్యాక్‌గ్రౌండ్‌లో కనిపిస్తున్న ప్రాపర్టీస్ సినిమాపై అంచనాలు పెంచేశాయి. కన్నడ, తమిళం, తెలుగు, హిందీ, మలయాళ భాషల్లో విడుదలవనున్న ఈ చిత్రానికి అర్జున్ జన్య సంగీతం అందించగా.. ఆగస్టు నెలాఖరు నుంచి షూటింగ్ ప్రారంభం కానుంది.