Shah Rukh Khan: సమాజాన్ని నాశనం చేసే రాక్షసులం మేమేనా.. షారుక్ ఎమోషనల్

దిశ, సినిమా: Aryan Khan Not Sleeping Well, shahrukh khan Gave Company Through Night| బాలీవుడ్ బాద్‌షా షారుక్ ఖాన్ కొడుకు ఆర్యన్ ఖాన్ డ్రగ్ కేసు ఇండస్ట్రీని కుదిపేసిన సంగతి తెలిసిందే. కాగా ఇటీవలే ఆ కేసునుంచి క్లీన్ చీట్ లభించగా.. షారుక్ ఫ్యామిలీ, సన్నిహితులు, ఫ్యాన్స్ ఊపిరి పీల్చుకున్నారు. అయితే తన కొడుకుపై మోపిన నేరం, పోలీసుల విచారణ వంటి కఠిన పరిస్థితుల్లో షారుఖ్ ఎలా ఫీలయ్యారో వివరిస్తూ ఓ ప్రముఖ మ్యాగజైన్ రాజ్ చెంగప్ప రాసిన 'లెసన్స్ ఫ్రమ్ ది ఆర్యన్ ఖాన్ కేస్' అనే కవర్ స్టోరీని ప్రచురించింది.

ఇందులో సిట్‌కి నాయకత్వం వహించిన ఎన్‌సిబి డిప్యూటీ డైరెక్టర్ జనరల్ సంజయ్ సింగ్ ఆర్యన్ ఖాన్, షారూఖ్‌లతో జరిపిన సంభాషణలను పూర్తిగా వెల్లడించారు. ఈ మేరకు 'షారుక్ మానసికంగానే కాదు శారీరకంగాను దెబ్బతిన్నాడు. ఆర్యన్ సరిగ్గా నిద్రపోవడం లేదని తెలిసి ఆందోళన చెందాడు. దీంతో రాత్రంతా నేనే ఆర్యన్‌కు కంపెనీ ఇవ్వాల్సి వచ్చింది. అలాగే ఆర్యన్‌కు వ్యతిరేకంగా ఎలాంటి సాక్ష్యాధారాలు లేనప్పటికీ ఎందుకు దూషిస్తున్నారంటూ షారుక్ కన్నీళ్లు పెట్టుకున్నాడు. 'మేమే సమాజాన్ని నాశనం చేసే ఒక రకమైన పెద్ద నేరస్థులం, రాక్షసులుగా చిత్రించబడ్డాం' అంటూ ఆవేదన వ్యక్తం చేసినట్లు చెప్పుకొచ్చాడు.