'మైఖేల్' చూసి తెలుగు ప్రేక్షకులు కాలర్ ఎగరేసుకుంటారు.. సందీప్ కిషన్

దిశ, సినిమా: యంగ్ హీరో సందీప్ కిషన్ గురించి ప్రత్యేకంగా చెప్పనక్కర్లేదు. కెరీర్ బిగినింగ్ నుంచి భిన్నమైన కథలు ఎంచుకుంటూ మంచి గుర్తింపు తెచ్చుకున్నాడు. ఈ మధ్య చిన్న గ్యాప్ తీసుకున్న సందీప్ ఇప్పుడు మరో ఇంట్రెస్టింగ్ మూవీ 'మైఖేల్'తో వస్తున్నాడు. రంజిత్ జయ కోడి దర్శకత్వంలో వచ్చిన ఈ చిత్రం తెలుగు టీజర్‌ను నేచురల్ స్టార్ నాని విడుదల చేయగా, ధనుష్ తమిళ వెర్షన్‌, దుల్కర్ సల్మాన్ మలయాళ వెర్షన్‌, కన్నడ టీజర్‌ను రక్షిత్ శెట్టి విడుదల చేయగా.. హిందీ టీజర్‌ను రాజ్ కుమార్ రావ్, రకుల్ ప్రీత్ సింగ్, జాన్వీ కపూర్, రాజ్- డీకే రిలీజ్ చేశారు.

ఈ సందర్భంగా సందీప్ కిషన్ మాట్లాడుతూ..'నాకు నేనుగా పెట్టుకున్న అతి పెద్ద టెస్ట్ 'మైఖేల్'. టీజర్ చూసి ప్రేక్షకులు చాలా మంచి సినిమా తీసామనే ధైర్యాన్ని ఇచ్చారు. విజయ్ సేతుపతి అన్నతో పని చేయడం గ్రేట్ ఫీలింగ్. తొమ్మిది రోజులు రాత్రిపగలు ఆయనతో షూటింగ్ చేశాం. ఒక్క క్షణం కూడా అలసట చెందలేదు. పైగా మమ్మల్ని ఎంతో ప్రోత్సహించారు' అని తెలిపాడు. చివర్లో 'తెలుగు ఇండస్ట్రీ కాలర్ ఎగరేసుకునే సమయం ఇది. మైఖేల్‌తో ఒక కొత్త ప్రయత్నం చేశాం. ప్రేక్షకులు ఆదరిస్తారని నమ్ముతున్నాను' అన్నాడు సందీప్ కిషన్.