మరోసారి చై విషయంలో దొరికిపోయిన సమంత.. నెట్టింట ఫొటోలు వైరల్

దిశ, సినిమా: టాలీవుడ్ క్యూట్ కపుల్స్‌లో సమంత, నాగ చైతన్య ఒకరు. 2017లో వివాహంతో ఒక్కటైన ఈ జంట.. నాలుగేళ్లు సజావుగా కాపురం చేశారు. కానీ ఆ తర్వాత అనుకోని కారణాలతో విడాకులు తీసుకున్నారు. అయితే రిలేషన్‌లో ఉన్నప్పుడు అతడిపై ప్రేమతో చైతు పేరును పక్కటెముకలకు పై భాగంలో టాటూ వేయించుకుంది సమంత. కానీ నాగచైతన్యతో విడాకులు తీసుకున్నప్పటికీ ఆ టాటూను మాత్రం ఇంకా అలాగే ఉంచుకుంది. ఇటీవల ‘సిటాడెల్’ వెబ్ సిరీస్ లండన్ ప్రీమియర్‌కు హాజరైన ఈ ముద్దుగుమ్మ అక్కడ దిగిన ఫొటోలను నెట్టింట షేర్ చేయగా.. ఆ ఫొటోల్లో చై టాటూ స్పష్టంగా కనిపించింది.

కానీ రీసెంట్‌గా ఇటలీలో పింక్ కలర్ శారీ మీద తీసుకున్న ఫొటోషూట్‌లలో మాత్రం సమంత పక్కటెముకలపై చై టాటూను కనిపించనివ్వలేదు. దీంతో అందరూ సామ్.. చై టాటూ ని తీయించేసుకుంది అంటూ రకరకాల వార్తలు పుట్టించారు. అయితే తాజాగా సమంత తన ఇన్‌స్టాగ్రామ్ పేజీలో పంచుకున్న ఫొటోస్‌లో చై టాటూ కనిపించిది. దీంతో అందరు అశ్చర్యపోతున్నారు. సామ్ ఎందుకు లైఫ్‌లో ఇంత కన్‌ఫ్యూజన్‌లో ఉంది అంటూ కామెంట్లు పెడుతున్నారు. అంత ఇష్టం ఉన్నప్పుడు కలిసి ఉండొచ్చు కదా అని మరికొందరు సజెస్ట్ చేస్తున్నారు.