Samantha: న్యూ బిగినింగ్స్ అంటూ షాకింగ్ పోస్ట్ పెట్టిన సమంత.. శుభాకాంక్షలు చెబుతున్న ఫ్యాన్స్

దిశ, సినిమా: టాలీవుడ్ స్టార్ బ్యూటీ గత కొద్ది కాలంగా మయోసైటీస్ వ్యాధితో పోరాడుతున్న విషయం తెలిసిందే. దీని కారణంగా పూర్తిగా సినిమాలకు కూడా దూరం అయింది. ఇప్పుడిప్పుడే కోలుకుంటున్న సామ్ ఇటీవల హెల్త్ పాడ్‌క్యాస్ట్ మొదలెట్టి అందులో ఆరోగ్యానికి సంబంధించిన విషయాలు చెబుతోంది. అలాగే పలు బిజినెస్‌లు స్టార్ట్ చేసి ఫుల్ బిజీగా మారిపోయింది. సోషల్ మీడియాలో యాక్టివ్‌గా ఉంటూ పలు పోస్టులు పెడుతూ వార్తల్లో నిలుస్తోంది. ఈ క్రమంలో.. ఈ రోజు స్పెషల్ న్యూస్ రాబోతున్నట్లు పోస్ట్ పెట్టి అందరిలో ఆసక్తిని పెంచింది.

దీంతో అంతా తన పర్సనల్ లైఫ్‌ను సంబంధించిన విషయం లేదా సినిమాల గురించి చెప్తుందని అంతా భావించారు. అలాగే ఆమె పోస్ట్ పెట్టిన కానుండి పలు చర్చలు కూడా జరిపారు. తాజాగా, సమంత ఇన్‌స్టాగ్రామ్ వేదికగా షాకింగ్ పోస్ట్ పెట్టి ఉత్కంఠకు తెరదించింది. వరల్డ్ పికెల్ బాల్ లీగ్‌లో చెన్నై ఫ్రాంచైజ్‌లో పార్ట్‌నర్‌గా పెట్టుబడులు పెట్టింది. అంతేకాకుండా మాజీ టెన్నిస్ క్రీడాకారుడు గౌరవ్ నటేకర్‌తో కలిసి పికెల్ బాల్ లీగ్‌లో చెన్నై టీమ్‌కు యజమానిగా వ్యవహరించబోతుంది.

ఈ విషయాన్ని తెలుపుతూ పోస్ట్ పెట్టింది. ‘‘ ఎక్సైటింగ్ న్యూస్.. నేను థ్రిల్లింగ్‌గా ఉన్నాను. వరల్డ్ పికెల్ బాల్ లీగ్‌లో చెన్నై ఫ్రాంచైజ్ తీసుకున్నాను. పికిల్‌బాల్ ఫీవర్ భారతదేశాన్ని చుట్టుముట్టింది. ఇది భారతదేశాన్ని కదిలించే సమయం’’ అని గౌరవ్‌తో తీసుకున్న ఫొటో షేర్ చేసింది. అలాగే ఇట్స్ ‘‘న్యూ బిగినింగ్స్’’ అనే హ్యాష్ ట్యాగ్ పెట్టింది. ప్రజెంట్ సామ్ పోస్ట్ వైరల్ అవుతుండగా.. అది చూసిన వారంతా శుభాకాంక్షలు తెలుపుతున్నారు.

Click Here For Instagram Post..

Read More..

samantha: గెట్ రెడీ సంథింగ్ స్పెషల్ రాబోతుందంటూ సమంత పోస్ట్.. పర్సనల్ లైఫ్‌ గురించేనా?