ఈవెంట్‌లో సందడి చేసిన నాగచైతన్య-సమంత.. ఫుల్ ఖుషిలో ఫ్యాన్స్.. అందరూ అనుకున్నదే జరుగుతుందిగా?

దిశ, సినిమా: టాలీవుడ్ హీరోయిన్ సమంత-నాగచైతన్య అధికారికంగా డివోర్స్ తీసుకుని దాదాపు మూడేళ్లు దగ్గరకు వస్తుంది. విడాకులనంతరం చైతూ కన్నా సమంతనే సోషల్ మీడియాలో దారుణంగా ట్రోల్స్ కు గురైంది. ఈ పుకార్లపై చైతన్య సైలెన్స్ వహించగా.. సామ్ మాత్రం పరోక్షంగా పలు ఇంటర్వ్యూల్లో చైతన్య పై ఉన్న కోపాన్ని వెళ్లగక్కే ప్రయత్నం చేసింది. తన తప్పేమి లేదని తెలిపే ప్రయత్నం చేసింది. అయితే డివోర్స్ అనంతరం సామ్- చై ఇప్పటివరకు ఎదురుపడింది లేదు. ఎవరి లైఫ్ లోవారు బిజీ అయిపోయారు. తాజాగా వీరిద్దరు ఒక కామన్ వేదిక పంచుకోవడం నెట్టింట దుమారం రేపుతోంది. అమెజాన్ ప్రైమ్ ముంబై వేదికగా ప్రమోషనల్ ఈవెంట్ నిర్వహించింది. ప్రైమ్ ఒరిజినల్స్ ప్రాజెక్ట్స్ లో భాగమైన నటీనటులు, సాంకేతిక నిపుణులు ఈ మెగా ఈవెంట్ కు హాజరయ్యారు. దర్శక నిర్మాత కరణ్ జోహార్ ఈ కార్యక్రమానికి హోస్ట్ గా వ్యవహరించారు.

ఇక బ్యూటిఫుల్ హీరోయిన్ సమంత సిటాడెల్ వెబ్ సిరీస్ లో నటిస్తున్న సంగతి తెలిసిందే. కాగా ఈ సిరీస్ డైరెక్టర్స్ రాజ్ అండ్ డీకే, హీరో వరుణ్ ధావన్, సమంతలను కరణ్ జోహార్ వేదికపైకి ఆహ్వానించారు. సిటాడెల్ ఇండియన్ వెర్షన్ గా ఈ సిరీస్ తెరకెక్కగా... హనీ బన్నీ అని టైటిల్ ఖరారు చేశారు. పోస్ట్ ప్రొడక్షన్ చివరి దశలో ఉండగా హనీ బన్నీ స్ట్రీమింగ్ అవ్వనుంది.

అలాగే ‘దూత’ టైటిల్ తో నాగ చైతన్య క్రైమ్ థ్రిల్లర్ చేశారు. విక్రమ్ కె కుమార్ దర్శకత్వం వహించిన ఈ వెబ్ సిరీస్ గత సంవత్సరం విడుదలై భారీ సక్సెస్ అందుకున్న విషయం తెలిసిందే. అయితే ఈ క్రమంలో అమెజాన్ ప్రైమ్ ఈవెంట్‌కు చైతూకు కూడా ఆహ్వానం అందింది. ఈవెంట్ లో నాగ చైతన్య మాట్లాడటం జరిగింది. ఆ విధంగా సమంత-నాగ చైతన్య ప్రైమ్ ప్రమోషనల్ ఈవెంట్లో భాగం అయ్యారు. దీనికి సంబంధించిన ఫొటోలు, వీడియోలు నెట్టింట వైరల్ అవ్వగా ఫ్యాన్స్ ఫుల్ ఖుషీ అవుతున్నారు. సోషల్ మీడియాలో వచ్చే వార్తలకు ఈ సంఘటన మరింత బలాన్ని చేకూరుస్తుంది. మొన్న సామ్ పరోక్షంగా చైతూకు సారీ చెప్పింది. ఇప్పుడు ఒకే ఈవెంట్ లో మెరిశారు. వీరిద్దరు మళ్లీ కలవబోతున్నారు అందులో సందేహం లేదు. అంటూ జనాలు కామెంట్లు చేస్తున్నారు.