సలార్ వేట ఇప్పట్లో ఆగేలా లేదుగా.. 16 రోజుల కలెక్షన్స్ ఎంతంటే?

దిశ, సినిమా: పాన్ ఇండియా స్టార్ ప్రభాస్.. కేజిఎఫ్ దర్శకుడు ప్రశాంత్ నీల్ కాంబోలో తెరకెక్కిన బ్లాక్ బస్టర్ చిత్రం ‘సలార్’ ఎంతటి విజయాన్ని అందుకుందో ప్రత్యేకంగా చెప్పాల్సిన అక్కర్లేదు. రెబల్ స్టార్ తన సత్తా ఏంటో ఈ సినిమాతో మరోసారి ప్రూవ్ చేసుకున్నారు. దాదాపు 6 ఏళ్ల తర్వాత సాలిడ్ హిట్‌ను తన ఖాతాలో వేసుకున్నారు. యాక్షన్ ఎంటర్ టైనర్‌గా ప్రేక్షకుల ముందుకొచ్చిన ఈ చిత్రం పార్ట్ -1 గ్రాండ్ సక్సెస్ కావడంతో పార్ట్- 2 పై రెబల్ స్టార్ అభిమానులు భారీ అంచనాలు పెంచేసుకుంటున్నారు. అయితే ఈ మూవీ విడుదలై 16 రోజులు దాటుతున్న ఇప్పటికీ కూడా రికార్డు బ్రేక్ చేసే కలెక్షన్స్‌తో దూసుకుపోతోంది.

రోజులు గడుస్తున్న కొద్దీ ఈ కలెక్షన్ల మోత మోగుతుంది. మొదటి రోజే రికార్డ్ స్థాయిలో భారీ వసూళ్లను కొల్లగొట్టింది. ఇకపోతే ఈ సినిమా 16 రోజుల కలెక్షన్స్ విషయానికొస్తే.. నైజాం 70.53 కోట్లు, వెస్ట్ 6.98 కోట్లు, ఏపీ, తెలంగాణ కలిపి 145.99 కోట్లు, ఉత్తరాంధ్ర 16.74 కోట్లు, ఈస్ట్ 9.52 కోట్లు, గుంటూరు 9.13 కోట్లు, సీడెడ్ 21.24 కోట్లు, కృష్ణా 7.18 కోట్లు, తమిళనాడు 11.20 కోట్లు, హిందీ 60.17 కోట్లు, కేరళ 6.73 కోట్లు, నెల్లూరు 4.67 కోట్లు, కర్ణాటక 22.10 కోట్లు, ఓవర్సీస్ 63.95 కోట్ల వసూళ్లను రాబట్టింది. మొత్తం రూ. 315.94 కోట్ల షేర్‌ను వసూలు చేసింది. బ్రేక్ ఈవెన్‌కు ఇంకా రూ. 22.06 కోట్ల షేర్‌ను కలెక్ట్ చేయాల్సి ఉంది.