సమంతలాగే నాకు ప్రయోగాలు చేయాలనుంది.. యంగ్ బ్యూటీ

దిశ, సినిమా: యంగ్ బ్యూటీ సాక్షి వైద్య తన కెరీర్ ప్లానింగ్, కథల ఎంపిక గురించి ఆసక్తికర విషయాలు వెల్లడించింది. వరుణ్ తేజ్ హీరోగా వస్తున్న ‘గాండీవధారి అర్జున’తో ఆగస్టు 25న ప్రేక్షకుల ముందుకు రాబోతున్న ఆమె జోరుగా ప్రచార కార్యక్రమాల్లో పాల్గొంటుంది. ఈ క్రమంలోనే తాజా ఇంటర్వ్యూలో మాట్లాడుతూ... ‘ప్రేమకథా చిత్రాలతో పాటు థ్రిల్లర్‌ మూవీస్‌లో నటించాలనుంది. ప్రతీ సినిమాలో నటనాపరంగా వైవిధ్యాన్ని ప్రదర్శించాలన్నదే నా లక్ష్యం. ఈ సినిమాలో నేను ఐరా అనే స్వంతంత్య్ర భావాలు కలిగిన అమ్మాయిగా కనిపిస్తాను. లండన్‌లో చిత్రీకరించిన ఎపిసోడ్స్‌ హైలైట్‌గా నిలుస్తాయి. వ్యక్తిగతంగా నేను అన్ని జోనర్‌ చిత్రాలను ఇష్టపడతా. ‘యశోద’ చిత్రంలో సమంత లాంటి పాత్ర చేయాలన్నది నా డ్రీమ్‌’ అని చెప్పింది. అలాగే ప్రయోగాలకు ఎప్పుడూ సిద్ధంగా ఉంటానని చెప్పిన నటి.. తెలుగు ప్రేక్షకులు తనను ఎంతగానో ఇష్టపడుతున్నారని ప్రస్తుతం దుల్కర్‌ సల్మాన్‌, సాయిధరమ్‌తేజ్‌, రవితేజలతో సినిమాలు చేస్తున్నట్లు తెలిపింది.