Renu Desai: ఎట్టకేలకు అనుకున్నది చేసి చూపించిన రేణు దేశాయ్.. అతడికి గట్టి షాక్ ఇచ్చిందిగా! (పోస్ట్)

దిశ, సినిమా: పవన్ మాజీ భార్య రేణు దేశాయ్ అందరికీ సుపరిచితమే. ఆమె గత కొద్ది కాలంగా సినిమా ఇండస్ట్రీకి దూరం అయినప్పటికీ సోషల్ మీడియాలో యాక్టివ్‌గా ఉంటుంది. పెట్స్‌తో పాటు అనాధ పిల్లలను ఆదుకుంటూ గొప్ప మనసు చాటుకుంటోంది. నిత్యం పెట్స్‌ను కాపాడేందుకు సహాయం చేయాలంటూ పలు పోస్టులు పెడుతూ వార్తల్లో నిలుస్తుంటుంది. అంతేకాకుండా చేతనైనంత సాయాన్ని చేయాలని తన ఫాలోవర్స్‌ను కోరుతూ పోస్టులు పెడుతుంది.

అలాగే వీధి కుక్కలకు వైద్యం చేయించడంతో పాటు సంరక్షణ కేంద్రాలకు తరలిస్తూ ఉంటుంది. ఈ క్రమంలో.. ఇటీవల ఓ యువకుడు కుక్కను గిరగిరా తిప్పి అవతల పడేసిన వీడియో ఒకటి నెట్టింట వైరల్ కావడంతో అది కాస్త రేణు దేశాయ్ కంటపడింది. దీంతో అది చూసిన ఆమె ఇన్‌స్టా వేదికగా షేర్ చేస్తూ అతని అడ్రస్, ఫోన్ నెంబర్ చెప్పాలంటూ పోస్ట్ షేర్ చేసింది. దీంతో ఆ వ్యక్తి వివరాలన్నీ బయటకు వచ్చాయి. తాజాగా, పోలీసులు అతన్ని అరెస్ట్ కూడా చేశారు.

ఇక ఈ విషయం తెలుసుకున్న రేణు ఓ పోస్ట్ షేర్ చేసింది. ‘‘ఇప్పుడు కఠిన నియమాలు, సెక్షన్లు వచ్చాయి. కాబట్టి మీరు ఇలాంటి తప్పులు చేస్తే వెంటనే అరెస్ట్ అవుతారు జాగ్రత్తగా ఉండండి. ఇలాంటి పనులు చేయకండి. పోలీసులు మమ్మల్ని సమాచారం కూడా అడగకుండా అతని క్రూరత్వం చూసి అరెస్ట్ చేశారు. పోలీసులకు ధన్యవాదాలు తెలియజేస్తున్నాను’’ అని రాసుకొచ్చింది. ఇక ఈ పోస్ట్ చూసిన నెటిజన్లు అతడిని శిక్షించాలనుకున్న రేణు దేశాయ్ అనుకున్నది చేసి చూపించింది అతడికి గట్టి షాకిచ్చిందని అంటున్నారు.