భార్య ఉండగానే మరో అమ్మాయితో.. జబర్దస్త్ షోలో రియల్ ఎఫైర్..!

దిశ, సినిమా: ఈటీవీలో ప్రసారమయ్యే ‘జబర్దస్త్’ షో ఎంతో ఫన్ క్రియేట్ చేసి ప్రేక్షకులకు మంచి ఎంటర్టైనర్‌గా నిలుస్తుంది. ఇందులో నటించిన యాక్టర్‌లు మంచి గుర్తింపు సంపాదించుకుని సినిమాల్లో నటించే అవకాశాలు కూడా అందిపుచ్చు కుంటున్నారు. అయితే ఈ జబర్దస్త్ షో గతంలో గురువారం జబర్దస్త్ అని, శుక్రవారం ఎక్స్‌ట్రా జబర్దస్త్ అంటూ ప్రసార మయ్యేది. కానీ ఇప్పుడు ఇందులో మార్పులు చేశారు. ఫలితంగా 'జబర్దస్త్' షోను శుక్రవారం, శనివారం ప్రసారం చేస్తున్నారు. అంతేకాదు, గతంలో కంటే భిన్నమైన కాన్సెప్టుతో నడుపుతున్నారు. ఫలితంగా ప్రేక్షకుల నుంచి మంచి ఆదరణ లభిస్తుంది. ఈ క్రమంలో తాజాగా ఈ షోలో నిజమైన అక్రమ సంబంధం గురించి ప్రస్తావన వచ్చింది. అది ఇప్పుడు నెట్టింట వైరల్ అవుతుంది. అసలు మ్యాటరేంటో ఇప్పుడు చూద్దాం..

ప్రస్తుతం 'జబర్దస్త్' షోలో ఉన్న బెస్ట్ కమెడియన్లలో బుల్లెట్ భాస్కర్ ఒకడు అన్న విషయం ప్రత్యేకంగా చెప్పనక్కర్లేదు. జనాలను నవ్వించడం కోసం ఎంతో శ్రమించే అతడు.. ఎప్పటికప్పుడు ఫన్‌ను పంచేలా స్కిట్లు రెడీ చేసుకుంటున్నాడు. ముఖ్యంగా ఫైమాతో కలిసి ఓ రేంజ్‌లో సందడి చేస్తున్నాడు. దీంతో బుల్లెట్ భాస్కర్ స్కిట్లకు ఆడియన్స్ నుంచి రెస్పాన్స్ బాగా వస్తోంది. అయితే ప్రతి వారం ప్రసారం అయ్యే జబర్దస్త్ షోలో బుల్లెట్ భాస్కర్ స్కిట్ హాట్ టాపిక్ అవుతోంది. ఎందుకంటే ఇందులో అతడు ప్రతిసారీ సొసైటీలో హైలైట్ అవుతోన్న కాంట్రవర్శీలపై ఫోకస్ చేస్తున్నాడు. ఇలా ఇప్పటికే ఎన్నో అంశాలను ప్రస్తావించాడు. ఈ క్రమంలోనే ఇప్పుడు వైజాగ్‌లో జరిగిన ఓ ఇల్లీగల్ ఎఫైర్ గురించి స్కిట్ చేసి బుల్లెట్ భాస్కర్ ఒక్కసారిగా షాక్ ఇచ్చాడు.

కొద్ది రోజుల క్రితం వైజాగ్‌కు చెందిన ఓ ఫేమస్ మోడల్ భర్త ఇల్లీగల్ ఎఫైర్ తెలుగు రాష్ట్రాల్లో సెన్సేషన్ అయిన విషయం తెలిసిందే. ఇప్పుడు దాన్ని గుర్తు చేసేలా బుల్లెట్ భాస్కర్, ఫైమా స్కిట్ చేశారు. ఇందులో ఈ కమెడియన్లు రియల్ భార్యాభర్తల్లా నటిస్తూ కనిపించారు. ఒకవైపు కామెడీని పంచుతూనే, మరోవైపు కాంట్రవర్శీని హైలైట్ చేశారు. ప్రస్తుతం ఈ స్కిట్ నెట్టింట హల్ చల్ చేస్తుంది.