Ravi Teja: సర్జరీ తర్వాత తన హెల్త్ అప్డేట్ ఇచ్చిన రవితేజ.. ట్వీట్ వైరల్

దిశ, సినిమా: టాలీవుడ్ మాస్ మహా రాజా రవితేజకు షూటింగ్‌లో గాయం అయిన విషయం తెలిసిందే. భాను భోగవరపు దర్శకత్వంలో రాబోతున్న సినిమా షూటింగ్‌ సెట్‌లో గాయం కావడంతో మేకర్స్ హుటాహుటిన ఆసుపత్రికి తరలించారు. ఇక రవితేజకు వైద్యం చేసిన డాక్టర్లు ఆయనకు సర్జరీ చేసినట్లు వెల్లడించారు. దీంతో ఈ విషయం తెలుసుకున్న రవితేజ ఫ్యాన్స్ ఆయనకు ఏమైందో అని ఆందోళన చెందారు.

ఈ క్రమంలోనే ఆయనకు గాయాలైన ఓ ఫొటో కూడా వైరల్ కావడంతో అంతా కంగారు పడిపోయారు. కానీ అది ఫేక్ అని తెలిసి రవితేజ ఎలా ఉన్నారో అని పోస్టులు పెట్టడం మొదలెట్టారు. తాజాగా, రవితేజ తన హెల్త్ అప్డేట్ ఇస్తూ ట్విట్టర్ వేదికగా ఓ పోస్ట్ పెట్టాడు. ‘‘సర్జరీ సాఫీగా సాగడంతో విజయవంతంగా నేను డిశ్చార్జ్ అయ్యాను. మీ అందరి ఆశీర్వాదాలు, మద్దతుకు కృతజ్ఞతలు తెలియజేస్తున్నాను. త్వరలో సెట్‌లోకి వచ్చేందుకు ఉత్సాహంగా ఉంది’’ అని రాసుకొచ్చాడు. దీంతో ఆయన ఫ్యాన్స్ ఊపిరిపీల్చుకున్నారు.