'యానిమల్' మూవీ నుంచి రణ్‌బీర్ కపూర్ ఫస్ట్‌లుక్ ..

దిశ, సినిమా: టాలీవుడ్‌లో 'అర్జున్ రెడ్డి' మూవీతో తన సత్తా చాటిన డైరెక్టర్ సందీప్‌ రెడ్డి వంగా, ఆ తర్వాత ఇదే సినిమా హిందీలో 'కబీర్ సింగ్' టైటిల్‌తో రీమేక్ చేసి అక్కడ కూడా బ్లాక్‌బస్టర్ విజయాన్ని అందుకున్నాడు. ఇక ఈ డైరెక్టర్ తన నెక్ట్స్ మూవీని బాలీవుడ్ హీరో రణ్‌బీర్ కపూర్‌‌తో కలిసి తీయనున్నాడు. దీనికి 'యానిమల్' అనే టైటిల్‌ను కూడా ఫిక్స్ చేశారు. అయితే టైటిల్ చూసి, మూవీ అసలు ఏ సబ్జెక్ట్‌తో వస్తుందా? అని బాలీవుడ్ ప్రేక్షకులతో పాటు దక్షిణాది ఆడియన్స్ కూడా ఆసక్తిగా ఎదురు చూస్తున్నారు. రీసెంట్‌గా కొత్త సంవత్సరం సందర్భంగా, ఈ చిత్రం నుంచి రణ్‌బీర్ కపూర్ ఫస్ట్ లుక్‌ను మేకర్స్ డిసెంబర్ 31 అర్ధరాత్రి ఆవిష్కరించేందుకు రెడీగా ఉన్నారు. ఈ చిత్రం ఆగస్టు 11, 2023న థియేటర్లలో విడుదల కానుంది.