రణబీర్ కపూర్ బర్త్ డే స్పెషల్ ‘యానిమల్’ సినిమా టీజర్ రిలీజ్..

దిశ, వెబ్‌డెస్క్: టాలీవుడ్ యంగ్ సందీప్ రెడ్డి వంగా నుంచి రాబోతున్న ప్రతిష్టాత్మక చిత్రం ‘యానిమల్’. ఈ మూవీలో రణ్ బీర్ కపూర్, రష్మిక కలిసి జంటగా నటిస్తున్నారు. ఈ సినిమా నుంచి ఇప్పటికే విడుదలైన పోస్టర్స్ ఇండియా వైడ్‌గా అంచనాలను పెంచేశాయి. తాజాగా, నేడు రణబీర్ కపూర్ పుట్టిన రోజు కావడంతో చిత్రయూనిట్ ‘యానిమల్’ టీజర్‌ను రిలీజ్ చేశారు.

ఈ టీజర్‌ను గమనిస్తే.. తండ్రీ కొడుకుల మధ్య ఉన్న ఎమోషన్‌ను చూపిస్తోంది. కానీ ఇదొక టిపికల్ కథలా అనిపిస్తుంది. ఇందులో విలన్ ఎవరు అన్నది అంత క్లియర్‌గా కనిపించడం లేదు. కొన్ని చోట్ల రణ్ బీర్ కపూర్ ఎంతో కూల్‌గా ఉన్నాడు.. ఇంకొన్ని చోట్ల ఎంతో వయలెంట్‌గా కనిపిస్తున్నాడు. క్రిమినల్ కొడుకుని కన్నామని అంటారు. అంటే రణ్ బీర్ కపూర్ అసలు విలన్ అని అన్నట్లుగా తెలుస్తోంది. గోల్డెన్ స్పూన్‌తో పుట్టిన వ్యక్తి ఎలా మారాడు.. ఏం చేశాడు? అన్న పాయింట్‌తోనే సినిమాను తీసినట్టుగా అనిపిస్తోంది. కాగా, యానిమల్ సినిమా ఈ ఏడాది డిసెంబర్ 1న థియేటర్స్‌లో విడుదల కానుంది.