‘గేమ్ ఛేంజర్’ కు గుడ్ బై.. చెప్పనున్న రామ్ చరణ్

దిశ, సినిమా: మెగాస్టార్‌ రామ్‌చరణ్‌, దర్శకుడు శంకర్‌ కాంబినేషన్‌లో రూపొందిన చిత్రం 'గేమ్‌ ఛేంజర్‌'. ఈ సినిమా షూటింగ్ ప్రస్తుతం శరవేగంగా జరుగుతోంది. ఇప్పటికే పలుమార్లు ఆగిపోయిన ఈ సినిమా షూటింగ్‌ని ఎలాంటి ఆటంకం లేకుండా పూర్తి చేయాలనీ ప్రొడక్షన్ టీం నిర్ణయం తీసుకుందట. ఈ మూవీ మొదలయ్యి రెండేళ్లు అవుతుంది.

కమల్ హాసన్ ఇండియన్ 2 మూవీ, రామ్ చరణ్ సినిమా ఇలా రెండు ఒకేసారి తెరకెక్కించాల్సి వచ్చింది. అందుకే గేమ్ ఛేంజర్ విడుదల లేట్ అవుతుంది. ఇదిలా ఉండగా.. ఇన్ని రోజులు ఈ సినిమా షూటింగ్ లో ఫుల్ బిజీగా ఉన్న రామ్ చరణ్ త్వరలో వీడ్కోలు పలకనున్నాడు. గేమ్ ఛేంజర్ షూటింగ్ మరో పది రోజుల్లో పూర్తి కానుంది. ఈ సినిమా షూటింగ్ ప్రస్తుతం చివరి షెడ్యూల్‌లో ఉంది.

మరో పదిరోజుల్లో ఈ మూవీకి గుమ్మడికాయ కొట్టనున్నారు. దీని తర్వాత మిగిలిన కార్యక్రమాలను పూర్తి చేసి డిసెంబర్‌లో సినిమాను విడుదల చేయనున్నారని చిత్ర యూనిట్ చెబుతుంది. మరోవైపు చరణ్ తన తర్వాత చిత్రం RC 16లో బిజీగా ఉన్నట్లు తెలుస్తోంది. RC 16 షూటింగ్ వచ్చే నెలలో మొదలు కానుందని సమాచారం.