ఆ రేస్ నుంచి తప్పుకున్న సూపర్ స్టార్.. పందులే గుంపుగా వస్తాయంటూ..

దిశ, వెబ్‌డెస్క్: 2024 సమీపిస్తుంది. సంక్రాంతి పండుగా సందర్భంగా.. బాక్సాఫీస్ దగ్గర బడా హీరోల సినిమాలు పోటీపడబోతున్నాయి. ఇందులో సూపర్ స్టార్ రజినీ కాంత్ ‘లాల్ సలాం’ ఒకటి. కానీ తాజాగా అందుతున్న సమాచారం ప్రకారం.. సంక్రాంతి రేస్ నుంచి సూపర్ స్టార్ తప్పుకుంటున్నట్లు తెలుస్తోంది. సూపర్ స్టార్ రజనీ కాంత్ నటిస్తున్న తాజా సినిమా ‘లాల్ సలాం’. రజినీ కాంత్ కుమార్తె ఐశ్వర్య రజినీకాంత్ దర్శకత్వం వహించిన ఈ మూవీ కూడా 2024 సంక్రాంతికి విడుదల చేసేందుకు నిర్ణయించుకున్నారు. కానీ ఇప్పుడు నిర్ణయం మార్చుకున్నట్లు తెలుస్తోంది.

ఈ విషయాన్ని ఇండైరెక్ట్‌గా హింట్ ఇచ్చింది నిర్మాణ సంస్థ. 2024 సంక్రాంతికి అరుణ్ విజయ్, అమీ జాక్సన్ నటించిన ‘మిషన్‌’ సినిమాను విడుదల చేస్తున్నట్లు లైకా ప్రొడక్షన్స్ అధికారికంగా ప్రకటించింది. దీంతో ‘లాల్ సలాం’ రిలీజ్‌ను వాయిదా వేసినట్లు క్లారిటీ వచ్చేసింది. అయితే.. కొత్త రిలీజ్ డేట్‌ను త్వరలోనే ప్రకటించే అవకాశం ఉంది. ఇక రజినీ కాంత్ సినిమా వాయిదా పడటాన్ని.. ఫ్యాన్స్ కూడా పాజిటివ్‌గా తీసుకుంటూ ‘పందులే గుంపుగా వస్తాయ్.. సింహం సింగిల్‌గా వస్తుంది’ అంటూ నెట్టింట పోస్టులతో రచ్చ చేస్తున్నారు.