కొత్త వాళ్లకు చాన్స్ ఇవ్వాలని మంత్రి కామెంట్.. స్ట్రాంగ్ కౌంటర్ ఇచ్చిన రజినీకాంత్

దిశ, వెబ్‌డెస్క్: సౌత్ సూపర్ స్టార్ రజినీకాంత్‌పై డీఎంకే మంత్రి దురైమురుగన్ సంచలన వ్యాఖ్యలు చేశారు. సోమవారం ఆయన ఓ మీడియా ఛానల్ ప్రతినిధితో మాట్లాడుతూ.. పళ్లు ఊడిపోయి, గెడ్డాలు తెల్లబడిపోయి, చివరి దశకు చేరుకున్నా కొందరు నటులు ఇంకా నటిస్తూనే ఉన్నారు. కొత్త యాక్టర్లకు దక్కకుండా చేయడంతో పాటు కొత్త టాలెంట్‌ సైతం రాకుండా అడ్డుపడుతున్నారని కీలక ఆరోపణలు చేశారు. నీతులు చెప్పడం చెప్పడం ఎవరికైనా సులభమే అని.. అవి పాటించడమే కష్టమని రజినీకాంత్‌ను ఉద్దేశించి పరోక్ష కామెంట్లు చేశారు. మంత్రి కామెంట్లపై రజినీకాంత్ సైతం స్పందించారు. డీఎంకే పార్టీలో చాలా మంది పాత విద్యార్థులు ఉన్నారు. వాళ్లు తరగతి వీడటం లేదు. కొత్త క్లాసు రూములోకి వెళ్లడం లేదు. కొత్త వారికి ఛాన్స్ ఇవ్వడం లేదు. దురైమురుగన్‌తో వేగడం కరుణానిధి వంటి దిగ్గజాలకే కష్టమైంది. ఇప్పుడు ఆయన్ను భరిస్తున్న ముఖ్యమంత్రి స్టాలిన్‌కు హాట్యాఫ్ అని రజనీకాత్ తనదైన స్టైళ్లో సెటైర్లు వేశారు.