తలైవా బర్త్ డే.. స్పెషల్ వీడియో రిలీజ్ చేసిన సన్ పిక్చర్స్

దిశ, వెబ్‌డెస్క్: నేడు సూపర్ స్టార్ రజినీకాంత్.. పుట్టిన రోజు. ఆయన పేరు వింటే తమిళ్ మాత్రమే కాదు సౌత్, ఇండియా అంతా ఊగిపోతోంది. ఆయనకు ఫ్యాన్స్ ఫాలోయింగ్ గురించి ప్రత్యేకంగా చెప్పాల్సిన పని లేదు. రజినీ కాంత్ బస్ కండక్టర్ నుంచి సినిమాల్లోకి ఎంట్రీ ఇచ్చి హీరోగా, విలన్‌గా క్యారెక్టర్ ఆర్టీస్ట్‌గా నటించి ఫుల్ క్రేజ్ సంపాదించుకున్నాడు. ఇప్పుడున్న జనరేషన్ లో 40 ఏళ్లకే ఒంట్లో ఓపిక తగ్గిపోతుంది. 50 ఏళ్లకే పనులు చేయాలంటే కష్టపడుతున్నారు. కానీ 73 ఏళ్ళ వయసులో రజినీకాంత్ ఇప్పటికి కూడా పలు చిత్రాల్లో నటిస్తూ కుర్రహీరోలకు పోటీ నిస్తున్నారు. ఒక బస్ కండక్టర్ గా ఉండిపోయే శివాజీ రావు గైక్వాడ్ ని సినిమా సూపర్ స్టార్ రజినీకాంత్ ని చేసి లైఫ్ లో డబ్బు, పవర్, పేరు, బిరుదులు, అవార్డులు అన్ని ఇచ్చింది.

కేవలం ఇండియాలోనే కాదు మలేషియా, సింగపూర్, జపాన్.. లాంటి చాలా దేశాల్లో అభిమానులు ఎంతో ప్రేమని ఇచ్చారు. అందుకే రజినీకాంత్ కి సినిమాలు తీయడానికి వయసు అయిపోలేదు, అయిపోదు. అయితే తలైవా ఇటీవల జైలర్ చిత్రంతో సూపర్ హిట్ అందుకున్నాడు. ప్రస్తుతం లాల్ సలాం సినిమాతో త్వరలో రాబోతున్నారు. ఇదిలా ఉంటే.. నేడు రజినీకాంత్ పుట్టిన రోజు కావడంతో సన్‌పిక్చర్స్ సంస్థ రజినీకాంత్ చేసిన సినిమాలన్నింటిని ఓ వీడియోగా చేసి ఫ్యాన్స్ కోసం వీడియోను రిలీజ్ చేశారు. దీంతో అది చూసిన ఫ్యాన్స్ ఆనందపడుతున్నారు. అలాగే లాల్ సలాం నుంచి అదిరిపోయే అప్డేట్ ఇవ్వాలని కోరుకుంటున్నారు.