ఓటీటీలోకి రాబోతున్న రాజ్ తరుణ్-మాల్వీ మల్హోత్రా లవ్ స్టోరీ.. స్ట్రీమింగ్ ఎప్పటినుంచంటే?

దిశ, సినిమా: టాలీవుడ్ యంగ్ హీరో రాజ్ తరుణ్ గత కొద్ది రోజుల నుంచి వివాదం ఎదుర్కొంటున్న విషయం తెలిసిందే. లావణ్య అనే అమ్మాయి తనను లవ్ చేసి మోసం చేశాడని ఇటీవల కేసు కూడా పెట్టింది. అలాగే రాజ్ తరుణ్, మాల్వీ మల్హోత్రాతో రిలేషన్‌లో ఉండటం వల్లే తనను దూరం పెడుతున్నాడని సంచలన ఆరోపణలు చేసింది. అంతటితో ఆగకుండా ఆమె మాల్వీపై కూడా కేసు పెట్టింది.

ఇదిలా ఉంటే.. రాజ్ తరుణ్ వివాదాలు ఎదుర్కొంటున్నప్పటికీ వరుస సినిమాలు చేస్తూ ప్రేక్షకులను అలరిస్తున్నాడు. ఆయన ఇటీవల సీనియర్ డైరెక్టర్ ఏఎస్ రవికుమార్ చౌదరితో ‘తిరగబడరసామి’ అనే మూవీ చేశాడు. ఇందులో మాల్వీ హీరోయిన్‌గా నటించింది. అయితే తిరగబడరసామి ఆగస్టు 2న థియేటర్స్‌లో విడుదలై మిక్స్‌డ్ టాక్‌ను సొంతం చేసుకుంది.

అలాగే దీనిని ఓట్‌డేటెడ్ స్టోరీని తీసుకున్నారని పలు నెగిటివ్ కామెంట్లు కూడా వచ్చాయి. ఇదిలా ఉంటే.. తాజాగా, ఈ సినిమా డిజిటల్ స్ట్రీమింగ్‌కు సిద్ధమైంది. ‘తిరగబడరసామి’ ఓటీటీ హక్కులను ప్రముఖ సంస్థ ఆహా సొంతం చేసుకుంది. ఈ విషయాన్ని వెల్లడిస్తూ ఆహా సోషల్ మీడియాలో ఓ పోస్ట్ పెట్టింది. ‘తిరగబడరసామి’ సెప్టెంబర్ 20 నుంచి స్ట్రీమింగ్ అందుబాటులోకి రాబోతున్నట్లు ఓ పోస్టర్‌ను విడుదల చేసింది.