బలిచ్చే గొర్రె తప్పించుకుంటే ఏం జరుగుతుందో తెలుసా.. భయపెడుతున్న ‘టోబి’ ట్రైలర్

దిశ, సినిమా: కన్నడ స్టార్ డైరెక్టర్ అండ్ యాక్టర్ రాజ్ బి శెట్టి ప్రధాన పాత్రలో వస్తున్న మూవీ ‘టోబి’. బాసిల్ అల్చలక్కల్ ద‌ర్శక‌త్వంలో తెరకెక్కిన ఈ మూవీ నుంచి తాజాగా ట్రైల‌ర్ రిలీజ్ చేశారు మేక‌ర్స్. ఈ మేరకు టోబి.. టోబి.. అని పిలుస్తూ ఇంట్లోనుంచి ఓ మహిళా బయటకు వస్తున్న సీన్‌తో మొదలవగా.. పోలీసులు తదితర అంశాలతోపాటు ‘నేను బ‌లి ఇవ్వడానికి తెచ్చిన గొర్రె తప్పించుకుంది. ఆ బ‌లి ఇచ్చే గొర్రె తిరిగి గ్రామంలోకి అడుగు పెట్టకూడదు. ఒకవేళ ఊరిలోకి అడుగుపెడితే అది ఇకపై గొర్రె కాదు. అది మారి (మృత్యుదేవత)గా మారిపోతుందంటూ’ హీరో చెప్పే డైలాగ్ గూస్ బంప్స్ తెప్పిస్తోంది. ఇక ఇందులో రాజ్ బి శెట్టి మూగవాడిగా న‌టిస్తున్నట్లు తెలుస్తుండగా.. క్రైమ్, డ్రామా, థ్రిల్లర్ నేపథ్యంలో వ‌స్తున్న ఈ సినిమా ట్రైలర్‌ ఆరంభం నుంచి ముగింపు వరకు ఉత్కంఠంగా సాగింది. ఇప్పటికే రిలీజ్ అయిన ఫస్ట్ లుక్ పోస్టర్, గ్లింప్స్‌ ప్రేక్షకుల‌ను విశేషంగా ఆక‌ట్టుకోగా ప్రపంచ‌వ్యాప్తంగా ఆగష్టు 25న ఈ మూవీ విడుదలకానుంది.