రష్మికకు షాకిచ్చిన బాలీవుడ్ హీరో.. ఆందోళనలో ఫ్యాన్స్..!

దిశ, సినిమా: 'పుష్ప' సినిమాతో పాన్‌ ఇండియా స్టార్‌గా ఎదిగిపోయిన రష్మిక మందన్నా.. ప్రస్తుతం సౌత్‌తో పాటు నార్త్‌లోనూ వరుస ఆఫర్లతో దూసుకుపోతున్న సంగతి తెలిసిందే. కాగా ఈ బ్యూటీకి తాజాగా బాలీవుడ్‌ ఇండస్ట్రీలో ఊహించని షాక్‌ తగిలినట్లు తెలుస్తోంది. ఈ మేరకు టైగర్‌ ష్రాఫ్‌ కథానాయకుడిగా తెరకెక్కనున్న 'స్క్రూ ఢీలా' అనే చిత్రంలో ఫిమేల్ లీడ్ క్యారెక్టర్‌గా సైన్ చేయగా.. హీరో రెమ్యూనరేషన్ ఇష్యూతో ప్రాజెక్ట్ ఆగిపోయే అవకాశం ఉన్నట్లు సమాచారం. కరణ్‌ జోహార్‌ ఈ సినిమాను నిర్మిస్తుండగా టైగర్‌కు రూ. 35కోట్ల పారితోషికం ఇస్తానని ఒప్పందం కుదుర్చుకున్నారు. అయితే ఈ మూవీ షూటింగ్‌ మొదలయ్యాక బాలీవుడ్ గడ్డు పరిస్థితులను ఎదుర్కొంటుందని, అందుకుగానూ టైగర్‌ను రూ.20కోట్లు మాత్రమే తీసుకోమని కరణ్‌ కోరాడట. దానికి హీరో ససేమిరా అనడంతో సినిమా మధ్యలోనే ఆగిపోయినట్లు బీటౌన్‌‌ టాక్‌. దీంతో సినిమా పట్టాలెక్కుతుందా? లేదా? అని ఫీల్ అవుతున్నారు రష్మిక ఫ్యాన్స్.

Also Read : పదేళ్లు గడిచినా కొత్తగానే ఫీల్ అవుతున్నా: ప్రియాంక