ఇంటింటికి తిరిగి కండోములు పంచిన సునీత కొడుకు.. ప్రశంసలు కురిపించిన చిరు, రాఘవేంద్రరావు!

దిశ, వెబ్‌డెస్క్: టాలీవుడ్ స్టార్ సింగర్ సునీత కుమారుడు ఆకాష్ ‘సర్కారు నౌకరి’ అనే చిత్రంతో తెలుగు ఇండస్ట్రీకి ఎంట్రీ ఇచ్చాడు. ఈ చిత్రానికి శేఖర్ దర్శకత్వం వహించగా.. ప్రముఖ దర్శకుడు రాఘవేంద్రరావు ఆర్కే టెలీ షో బ్యానర్‌పై ఈ మూవీని నిర్మించారు. తాజాగా ఈ చిత్ర ట్రైలర్ రిలీజ్ కార్యక్రమం జరిగింది. ఈ ఈవెంట్‌కు రాఘవేంద్రరావు, దర్శకులు.. అనిల్ రావిపూడి, శేకర్ కమ్ముల, చిరంజీవి హాజరయ్యారు. ట్రైలర్ చూసి.. తెలంగాణ నేపథ్యంలో పల్లెటూరి స్టోరీతో ఈ మూవీ ఎంతో బాగుందని ప్రశంసించారు. ఈ సందర్భంగా రాఘవేంద్రరావు మాట్లాడుతూ.. ‘సినిమా బాగా వచ్చింది. విజువల్స్ అదిరిపోయాయి. శేఖర్ కమ్ముల, అనిల్ వంటి దర్శకుల చిత్రాల కోసం ప్రేక్షకులు ఎదురుచూస్తారని, అది గొప్ప విషయమని అన్నారు. అలాగే ఆకాష్ పెద్ద స్టార్‌ హీరోగా ఎదగాలన్నారు. హీరోయిన్ భావనను చూస్తే మహానటి సావిత్రిలా పేరు దక్కించుకుంటుందనిపిస్తుంది. అంటూ చెప్పుకొచ్చారు. అలాగే శేఖర్ కమ్ముల, అనిల్, చిరంజీవి.. ‘‘తెలంగాణ విలేజ్ బ్యాక్ డ్రాప్‌లో ఒక కొత్త వరల్డ్ క్రియేట్ చేశారు. ఆకాష్ అనుభవం ఉన్న నటుడిలా చాలా బాగా నటించాడు. టీమ్ అందరికీ ఆల్ ది బెస్ట్’’ అంటూ ప్రశంసించారు.