Prabhas: కామియో రోల్‌లో ప్రభాస్.. ఆసక్తికర వీడియోతో డైరెక్టర్ హింట్!

దిశ, సినిమా: బాలీవుడ్ స్టార్స్ అజయ్ దేవగన్, అక్షయ్ కుమార్, రణ్‌వీర్ సింగ్ కలిసి నటిస్తున్న తాజా చిత్రం ‘సింగం ఎగైన్’. దీనిని స్టార్ డైరెక్టర్ రోహిత్ శెట్టి తెరకెక్కిస్తున్నాడు. అయితే ఇందులో స్టార్ బ్యూటీ దీపికా పదుకొణె, దయానంద్ శెట్టి, శ్వేతా తివారీ, టైగర్ ష్రాఫ్, అర్జున్ కపూర్ కీలక పాత్రలో కనిపించబోతున్నారు. ఈ సినిమా నవంబర్ 1న థియేటర్స్‌లోకి రాబోతుంది. తాజాగా, సింగం ఎగైన్ మూవీ ట్రైలర్ విడుదలైంది.

ఈ క్రమంలో.. డైరెక్టర్ ఓ ఇంట్రెస్టింగ్ వీడియోను విడుదల చేశాడు. ‘‘ఈ హీరో లేకుండా సింగం కంప్లీట్ కాదు. ఈ దీపావళికి స్కార్పియో కచ్చితంగా వస్తుంది తిరుగుతుంది. అయితే ఎంట్రీ మాత్రం వేరే వాళ్లది ఉంటుంది’’ అని రాసుకొచ్చాడు. ఆసక్తికర విషయం ఏంటంటే.. ఈ వీడియోకు కల్కి సినిమాలోని బుజ్జి థీమ్‌ను బ్యాక్‌గ్రౌండ్ మ్యూజిక్‌ను పెట్టాడు. ఇక రోహిత్ పెట్టిన క్యాప్షన్‌ను బుజ్జీ థీమ్‌ను బేస్ చేసుకుని ఇందులో ప్రభాస్ కామియో రోల్ చేయబోతున్నట్లు డైరెక్టర్ ఈ విధంగా హింట్ ఇచ్చాడని వార్తలు జోరందుకున్నాయి. ఇక ఈ విషయం తెలుసుకున్న డార్లింగ్ ఫ్యాన్స్ ఫుల్ ఖుషీ అవుతున్నారు.