రామ్‌లీల మైదానంలో రావణుడిపై విల్లు ఎక్కుపెట్టిన ప్రభాస్.. (వీడియో)

దిశ, వెబ్‌డెస్క్: దసరా సందర్భంగా ఢిల్లీలోని రామ్‌లీల మైదానంలో రావణుడి బొమ్మ దహనం చేయడం ఎన్నో ఏళ్లుగా వస్తున్న ఆచారం. ప్రతి ఏటా జరిగే ఈ సంప్రదాయ కార్యక్రమానికి వివిధ రంగాలకు చెందిన ప్రముఖులు హాజరవుతుంటారు. అయితే ఈ ఏడాది రావణుడిని దహనం చేసే అవకాశం పాన్ ఇండియా స్టార్ ప్రభాస్‌కు దక్కింది. బుధవారం రాత్రి ఈ బాహుబలి విల్లు ఎక్కుపెట్టి బాణం విడిచి భారీ రావణ విగ్రహాన్ని దహనం చేశారు. ఈ వేడుకలో ప్రభాస్‌‌తో పాటు 'ఆదిపురుష్' చిత్ర యూనిట్ కూడా పాల్గొంది. కాగా.. 'ఆదిపురుష్' టీజర్ అక్టోబర్ 2న విడుదల కాగా.. 2023 సంక్రాతి కానుకగా జనవరి 12న ఈ సినిమా ప్రేక్షకుల ముందుకు రానుంది.

ALSO READ : రావణున్ని దేవునిగా పూజించే జిల్లా ఇదే.. ఎత్తైన విగ్రహం కూడా