Power Star Pawan Kalyan - తలపతి విజయ్ (వీడియో)

దిశ, వెబ్‌డెస్క్: తెలుగులో పవర్ స్టార్ పవన్ కల్యాణ్, తమిళ్‌లో తలపతి విజయ్‌కు ఉన్న క్రేజ్‌ గురించి ప్రత్యేకంగా చెప్పాల్సిన పనిలేదు. హిట్, ప్లాప్‌లతో సంబంధం లేకుండా వీరి సినిమాలు బాక్సాఫీస్‌ను షేక్ చేస్తుంటాయి. అంతేగాకుండా.. టాలీవుడ్‌లో పవన్, తమిళ్‌లో విజయ్‌కు ఉన్న మాస్ ఫ్యాన్ ఫాలోయింగ్ మరే హీరోకు లేదనడంలో ఎలాంటి సందేహం లేదనిపిస్తుంది. ప్రస్తుతం పవన్ కల్యాణ్ క్రిష్ దర్శకత్వంలో హరిహర వీరమల్లు చిత్రం చేస్తుండగా.. విజయ్ వంశీ పైడిపల్లి దర్శకత్వంలో వారిసు అనే చిత్రం చేస్తున్నారు. పవన్ నటిస్తోన్న చిత్రం సమ్మర్‌లో విడుదల కానుండగా.. విజయ్ నటించిన చిత్రం ఈ సంక్రాంతికి విడుదలకు సిద్ధమైంది. అయితే, ఇప్పటికే షూటింగ్ పూర్తి చేసుకున్న విజయ్ సినిమా ప్రమోషన్స్ స్టార్ట్ చేసింది.

ఈ క్రమంలో తెలుగులో భారీ ప్రీ రిలీజ్ ఈవెంట్ నిర్వహించాలని నిర్మాత దిల్ రాజు ప్లాన్ చేస్తున్నాడు. అసలు విషయం ఏంటంటే ఈ సినిమా ప్రీ రిలీజ్ ఫంక్షన్‌కు పవర్ స్టార్ పవన్ కల్యాణ్‌ను గెస్ట్‌గా తీసుకురావాలని దిల్ రాజు తీవ్ర ప్రయత్నాలు చేస్తున్నట్లు సమాచారం. ఈ మేరకు సోషల్ మీడియాలో వార్తలు హల్‌చల్ చేస్తున్నాయి. పవన్-విజయ్ ఒకే స్టేజీ మీద కనిపించే అవకాశం ఉండటంతో ఇది జరిగి తీరాలని అభిమానులు ట్వీట్లతో ట్విట్టర్‌ను షేక్ చేస్తున్నారు. అంతేగాకుండా.. పవన్-విజయ్‌కు సంబంధించిన కొన్ని వీడియోలు ఎడిటింగ్ చేసి పోస్టు చేస్తున్నారు. అవి కాస్త వైరల్‌గా మారాయి.