సాయిధరమ్‌ మూవీలో షూటింగ్ పూర్తిచేసుకున్న పవన్

దిశ, సినిమా: మెగా హీరో సాయి ధరమ్ తేజ్, పవన్ కల్యాణ్ కలిసి ఓ చిత్రం చేస్తున్న విషయం తెలిసిందే. ఈ మూవీలో కేతిక శర్మ, రోహిణి, బ్రహ్మానందం, తనికెళ్ళ భరణి, సుబ్బరాజు, ప్రియా ప్రకాష్ వారియర్, రాజా చెంబోలు తదితరులు నటిస్తున్నారు. ప్రస్తుతం ఈ సినిమా షూటింగ్ శరవేగంగా జరుపుకుంటుంది. కాగా టాలీవుడ్ టాక్ ప్రకారం.. ఈ చిత్రంలో పవన్ తన పార్ట్ షూటింగ్ మొత్తం పూర్తిచేశాడు. దీనికోసం పవన్ 22 రోజుల డేట్స్ కేటాయించాడు. ఈ విషయాన్ని తెలియజేస్తూ సెట్ నుంచి ఒక పిక్ షేర్ చేశాడు దర్శకుడు సముద్రఖని. ‘దేవుడా నీకు ధన్యవాదములు. కల్యాణ్ సార్ టాకీ భాగాన్ని విజయవంతంగా పూర్తి చేశాం. జూలై 28న మీ అందరినీ థియేటర్లలో కలుస్తాం’ అంటూ ట్వీట్ చేశాడు.