Pawan Kalyan: మరికొన్ని గంటల్లో పవర్ ప్యాక్డ్ సెలబ్రేషన్స్.. ‘OG’ అప్డేట్‌పై మేకర్స్ ఆసక్తికర పోస్ట్

దిశ, సినిమా: సెప్టెంబర్ 2 తేదీన పవర్ స్టార్ పవన్ కల్యాణ్ పుట్టిన రోజు కావడంతో ఆయన ఫ్యాన్స్ ఏదైనా అప్డేట్ విడుదలుతుందా అని ఎంతో ఆసక్తిగా ఎదురు చూస్తున్నారు. ఇప్పటికే పలు చోట్ల పుట్టిన రోజు సెలబ్రేషన్స్‌కు అన్ని ఏర్పాట్లు పూర్తి అయ్యాయి. పలుచోట్ల సేవా కార్యక్రమాలు కూడా మొదలెట్టారు. అయితే పవన్ నటిస్తున్న సినిమాల నుంచి ఎలాంటి అప్డేట్ విడుదల కాకపోవడంతో ఫ్యాన్స్ నిరాశ చెందుతున్నారు. ఈ క్రమంలో.. తాజాగా, పవన్ కల్యాణ్ నటిస్తున్న ఓజీ సినిమా నుంచి మేకర్స్ అప్డేట్‌ను విడుదల చేశారు.

ట్విట్టర్ వేదికగా పోస్ట్ పెట్టడంతో అంతా ఊపిరి పీల్చుకున్నారు. ‘‘కొన్ని గంటల్లో పవర్ ప్యాక్‌డ్ ఫైర్ సెలబ్రేషన్స్ స్టార్ట్ కాబోతున్నాయి. OG కేవలం సినిమా మాత్రమే కాదు సెలబ్రేషన్ లాంటిది. పవన్ కళ్యాణ్ స్పెషల్ డేని ఇంకా గొప్పగా చేయాలని ప్లాన్ చేశాము. అయితే ప్రస్తుతం వర్షాలు, వరదలు, ఉన్న పరిస్థితుల కారణంగా సెలబ్రేషన్స్‌ను వాయిదా వేస్తున్నాము. కానీ మిమ్మల్ని నిరుత్సాహ పరచకుండా.. రేపు ఫస్ట్ సింగిల్ రిలీజ్ డేట్ ఎప్పుడో చెప్పడంతో పాటు ఓ కొత్త పోస్టర్ రిలీజ్ చేస్తాము.

రేపు పవన్ పుట్టిన రోజును ఎంజాయ్ చేయడంతో పాటుగా ఈ సెలబ్రేషన్స్ వచ్చే రోజుల్లో కూడా చేసుకోండి’’ అని ట్విట్టర్ వేదికగా తెలిపారు. ప్రజెంట్ ఈ పోస్ట్ చూసిన పవర్ స్టార్ ఫ్యాన్స్ ఆనందానికి అవధులు లేకుండా పోయాయి. కాగా, సుజిత్, దర్శకత్వం వహిస్తున్న ఈ సినిమాను డివివి ఎంటర్టైన్మెంట్స్ బ్యానర్‌పై డివివి దానయ్య నిర్మిస్తున్నాడు. ఇందులో ప్రియాంక మోహన్ హీరోయిన్‌గా నటిస్తోంది.