కాలుకు కట్టుతో నడవలేని స్థితిల్లో Pooja Hegde.. అసలేం జరిగింది...?

దిశ, వెబ్‌డెస్క్: 'ఒక లైలా కోసం' సినిమాతో టాలీవుడ్ ప్రేక్షకులకు పరిచయం అయిన హీరోయిన్ పూజా హెగ్డే. తన అందం, నటనతో ఎంతో మంది అభిమానులను సొంతం చేసుకుని బుట్టబొమ్మగా ఇండస్ట్రీలో దూసుకుపోతుందీ పొడుగు కాళ్ల సుందరి. ఇటీవల ఆమె చేసిన సినిమాలు పరాజయాలు పొందినప్పటికీ.. అవకాశాలు మాత్రం వరుస పెట్టి వస్తూనే ఉన్నాయి ఈ ముద్దుగుమ్మకి. దీంతో చాలా బిజీగా ఉంటుంది పూజా. ఇదిలా ఉంటే.. తాజాగా పూజా గాయపడినట్లు తెలుస్తోంది. పూజా లిగ్మెంట్ టియర్‌తో బాధపడుతున్నట్లు తెలుస్తోంది. ఈ వార్తను స్వయంగా పూజానే సోషల్ మీడియా వేదికగా అభిమానులతో పంచుకుంది. వీడియోలో ఉన్న దాని ప్రకారం.. పూజా కాలుకు కట్టు కట్టి ఉంది. ఆమె నడవలేని పరిస్థితుల్లో ఉన్నట్లు వీడియోలో కనిపిస్తోంది. దీంతో ఆమె అభిమానులు ఆందోళన చెందుతున్నారు. బుట్టబొమ్మకు ఏమైంది అంటూ పోస్టులు పెడుతున్నారు. త్వరగా కోలుకోవాలంటూ కామెంట్స్ పెడుతున్నారు.