ప్రభుత్వం చేస్తున్న పనిని వ్యతిరేకిస్తూ కోర్టుకెక్కిన రేణు దేశాయ్.. రచ్చ చేస్తున్న పవన్ ఫ్యాన్స్

దిశ, సినిమా:  స్టార్ నటి, పవన్ కల్యాణ్ మాజీ భార్య రేణు దేశాయ్ ఓ ఇష్యూలో భాగంగా కోర్టు మెట్లెక్కింది. ఇటీవల సోషల్ మీడియాలో యాక్టివ్‌గా ఉంటున్న ఆమె.. సోషల్ అవేర్‌నెస్‌పై తన వాయిస్ వినిపించేందుకు ముందడుగేసింది. విషయానికొస్తే.. తెలంగాణ ప్రభుత్వం కొత్వాల్ గూడలోని ఓ ఆక్వా పార్క్‌ను నిర్మించేందుకు శ్రీకారం చుట్టింది. అంతేకాదు దేశంలోనే అతిపెద్ద పార్క్‌గా దీనిని నిర్మించేందుకు ప్రణాళికలు కూడా రెడీ చేస్తోంది. అయితే ఈ పార్క్ వల్ల పకృతి విధ్వంసం జరుగుతుందంటూ దీనికి వ్యతిరేఖంగా పోరాటం మొదలుపెట్టిన కొందరు సినీ సెలబ్రిటీలు కోర్టులో పిల్ దాఖలు చేశారు. ఆహ్లాదం కోసమో, లేక ఐడెంటిటీ కోసమో, డెవలప్ మెంట్‌లో భాగంగానో రెడీ చేస్తున్న ఈ పార్క్‌ వల్ల పర్యావరణానికి పెద్ద ముప్పు కలుగుతుందంటూ నిరసన తెలుపుతున్నారు. ఈ క్రమంలోనే శ్రీదివ్య, డైరెక్టర్‌ శశికిరణ్ తిక్కా, సదాతోపాటు రేణూ దేశాయ్‌ కూడా అభ్యంతరం వ్యక్తం చేసింది. ప్రస్తుతం ఇందుకు సంబంధించిన న్యూస్ వైరల్ అవుతుండగా.. ‘అన్నా.. వదినా ఇద్దరూ ప్రజల కోసమే పనిచేస్తారు’ అంటూ పవన్ ఫ్యాన్స్ పొగిడేస్తున్నారు.