నెట్టింట వైరల్‌గా మారిన పవన్ కల్యాణ్ కూతురు ఆద్య చిన్నప్పటి వీడియో

దిశ, సినిమా: పవర్ స్టార్ పవన్ కల్యాణ్, రేణు దేశాయ్ ప్రేమించి పెళ్లి చేసుకున్న సంగతి తెలిసిందే. వీరిద్దరు అకీరా, ఆద్య అనే ఇద్దరు పిల్లలు పుట్టాక విడాకులు తీసుకుని విడిపోయారు. ఇక పవన్ కల్యాణ్ మరో పెళ్లి చేసుకుని రాజకీయాల్లో బిజీ అయిపోయారు. కానీ రేణు దేశాయ్ మాత్రం పూర్తిగా సినిమాలకు గుడ్ బై చెప్పేసి పిల్లలను చూసుకుంది.

ఇటీవల ఆమె టైగర్ నాగేశ్వర రావు మూవీతో సెకండ్ ఇన్నింగ్స్ స్టార్ట్ చేసింది. అయితే అకీరా, ఆద్య తమ తండ్రిలా సోషల్ మీడియాలో మంచి ఫాలోయింగ్ సంపాదించుకున్నారు. రేణు దేశాయ్ షేర్ చేసే వీడియోలు, ఫొటోల వల్ల పవన్ అభిమానులు ఫుల్ ఖుషీ అవుతుంటారు. తమ అన్న పిల్లలకు సంబంధించిన విషయాలను పంచుకోవాలని కూడా రేణు దేశాయ్‌కు చెప్తుంటారు. ఈ క్రమంలో కొన్నిసార్లు మా అన్న పవన్ కొడుకు అకీరా అనడంతో రేణు సీరియస్ కూడా అయిన సందర్భాలు ఉన్నాయి.

ఇదిలా ఉంటే.. తాజాగా, రేణు దేశాయ్ కూతురు ఆద్య పుట్టిన రోజు కావడంతో ఆమె చిన్నప్పటి వీడియోను ఇన్‌స్టాగ్రామ్‌లో షేర్ చేసింది. అంతేకాకుండా తన కూతురికి ఈ రోజుతో 14 ఏళ్లు వచ్చాయని తెలిపింది. ఈ వీడియోలో ఆద్య తన క్యూట్ క్యూట్ మాటలతో ఐ లవ్ యూ చెబుతూ కనిపిస్తుంది. ఇక ఈ వీడియోను చూసిన పవన్ ఫ్యాన్స్ ఆమెకు పుట్టిన రోజు శుభాకాంక్షలు తెలియజేస్తున్నారు. అయితే రేణు దేశాయ్ ఆద్య గురించే కాకుండా అకీరా బర్త్ డే గురించి కూడా హింట్ ఇచ్చింది. ఏప్రిల్ 8న అకీరా నందన్‌ 20వ ఏటలోకి అడుగు పెడుతాడని తెలిపింది. అయితే పవన్ తనయుడు హీరోగా ఎంట్రీ ఇస్తే బాగుంటుందని ఎంతో మంది ఆశపడుతున్నారు. కానీ అకీరాకు మ్యూజిక్ అంటే చాలా ఇష్టమని ఎన్నోసార్లు రేణు దేశాయ్ చెప్పుకొచ్చిన విషయం తెలిసిందే. ఇక తన 20 ఏటలో పవన్ తనయుడు ఇండస్ట్రీకి ఎంట్రీ ఇస్తాడో లేదో చూడాలి మరి.

Read More : మెగాస్టారా మజాకా.. ఆయన పెట్టుకున్న వాచ్ ధర తెలిస్తే షాక్ అవ్వాల్సిందే..!