పవన్ కళ్యాణ్ ఒక ప్యాకేజీ స్టార్ .. నెట్టింట చర్చ

దిశ, సినిమా: పవర్ స్టార్ పవన్ కల్యాణ్ ఇటు రాజకీయాలు.. అటు సినిమాలతో ఫుల్ బిజీగా ఉన్నాడు. అయితే తాజాగా పవన్ కళ్యాణ్ తెలుగుదేశం పార్టీతో పొత్తు పెట్టుకున్నట్లు ప్రకటన చేయడంతో 2024 ఎన్నికల ఫలితాలు ఏ పార్టీకి అనుకూలంగా ఉంటాయనే చర్చ మొదలైంది. పవన్ చేసిన ప్రకటన టీడీపీ అభిమానులకు సంతోషాన్ని కలిగించినా.. వైసీపీ అభిమానులకు నిరాశ కలిగిస్తోంది. 2024 ఎన్నికల్లో టీడీపీకి అనుకూలంగా ఫలితాలు వచ్చే ఛాన్స్ ఉందని కొంతమంది సోషల్ మీడియాలో విశ్లేషణలు మొదలుపెట్టారు. అంతేకాదు తాజాగా వైసీపీకి అనుకూలంగా వ్యవహరించే ఒక ఛానల్ పవన్ కళ్యాణ్ ప్యాకేజీ స్టార్ అంటూ ప్రచారం చేస్తుంది. పవన్ కల్యాణ్‌కు ప్యాకేజ్ ఇవ్వడం వల్ల పొత్తుకు మద్దతు ఇచ్చారని టాక్ వినిపిస్తోంది. దీంతో ఈ ప్రచారంపై పవన్ ఫ్యాన్స్ సీరియస్‌గా రియాక్ట్ అవుతున్నారు. ‘ఏ పార్టీతో పొత్తు పెట్టుకోవాలని అనేది పవన్ కల్యాణ్ ఇష్టం. ఆయనపై విమర్శలు చేయాల్సిన అవసరం లేదు’ అంటూ ‘ఎన్నికల ఫలితాలు ఏ పార్టీకి అనుకూలంగా వస్తాయో ఎవరూ చెప్పలేరు. ప్రజల మనస్సులో ఎవరికి ఓటు వేయాలని ఉంటే వాళ్లకే వేస్తారు’ అంటూ ఫైర్ అవుతున్నారు పవన్ ఫ్యాన్స్.