పవన్ కల్యాణ్ బర్త్ డే CDP విడుదల.. ట్విట్టర్‌ను షేక్ చేస్తున్న ఫ్యాన్స్
తెలుగు రాష్ట్రాల్లో పవర్ స్టార్ పవన్ కల్యాణ్‌కు ఉన్న క్రేజ్ అంతా ఇంతా కాదు.
దిశ, వెబ్‌డెస్క్: తెలుగు రాష్ట్రాల్లో పవర్ స్టార్ పవన్ కల్యాణ్‌కు ఉన్న క్రేజ్ అంతా ఇంతా కాదు. ఆయన సినిమా కోసం అభిమానులు ఏళ్ల తరబడి ఎదురుచూస్తుంటారు. చిత్రం విడుదల రోజు థియేటర్ల వద్ద పండుగ వాతావరణం నెలకొనేలా సంబరాలు చేస్తుంటారు. ఆయన పుట్టినరోజు సమీపిస్తుందంటే నెలల తరబడి ఉత్సవాలు చేస్తుంటారు. తెలుగు చలనచిత్ర పరిశ్రమలో ఏ హీరోకు చేయనంతగా బర్త్ డే వేడుకలు నిర్వహిస్తుంటారు. తాజాగా.. మరోసారి పవన్ కల్యాణ్ పుట్టినరోజు సమీపిస్తుండటంతో అభిమానులు జాతరకు సిద్ధమయ్యారు. ప్రతీ ఏడాదిలానే ఈ సారి కూడా ఆసక్తికర సీడీపీ విడుదల చేశారు. ఇందులో ఎలుగెత్తు.. ఎదురించు.. ఎన్నుకో అనే క్యాప్షన్‌తో విడుదల చేశారు.
పొలిటికల్ మీటింగ్స్‌లో పవన్ కల్యాణ్ మాట్లాడుతున్న పవర్ ఫుల్ ఫొటోస్‌తో డిజైన్ చేసిన సీడీపీ విడుదల చేసిన నిమిషాల్లోనే దేశ వ్యాప్తంగా ట్రెండింగ్‌లోకి వచ్చింది. ట్విట్టర్ వేదికగా పోస్టులు, రీట్వీట్లు, కామెంట్లతో అభిమానులు హల్‌చల్ చేస్తున్నారు. అంతేగాక, పవన్ పుట్టినరోజైన సెప్టెంబర్ 2వ తేదీన ఆయన నటిస్తున్న ఓజీ చిత్రం నుంచి టీజర్ విడుదల కానుంది. ఇందులో పవన్ కల్యాణ్ ముంబై గ్యాంగ్ స్టర్ క్యారెక్టర్ చేయబోతున్నారు. పవన్ కల్యాణ్ కెరీర్‌లోనే భారీ బడ్జెట్ చిత్రంగా ఓజీ తెరకెక్కుతోంది. దీనిని యంగ్ డైరెక్టర్ సుజిత్ తెరెక్కిస్తుండగా.. ఆర్ఆర్ఆర్ ప్రొడ్యూసర్ డీవీవీ దానయ్య నిర్మిస్తున్నారు.
Read More..
ఎన్టీఆర్‌కు నేషనల్ అవార్డు ఇస్తే చరణ్ గుక్కపెట్టి ఏడుస్తాడనే.. ఇలా జరిగింది?