‘వేట్టైయన్’‌గా వచ్చేస్తున్న తలైవా.. వేటగాడు తన మార్కును మర్చిపోవడం ఉండదు..!

దిశ, సినిమా: ‘జైలర్’ సినిమాతో గతేడాది బ్లాక్ బస్టర్ హిట్ అందుకున్న సూపర్ స్టార్ రజినీకాంత్ ప్రస్తుతం ‘వేట్టైయన్’ మూవీతో బిజీగా ఉన్నాడు. పవర్ ప్యాకెడ్ థ్రిల్లర్ మూవీగా తెరకెక్కుతున్న ఈ చిత్రానికి ‘జై భీమ్‌’ ఫేమ్‌ టీజే జ్ఞానవేల్‌ దర్శకత్వం వహిస్తున్నారు. అమితాబ్‌ బచ్చన్‌, రానా, ఫహద్‌ ఫాజిల్‌, మంజు వారియర్స్, రితికా సింగ్‌ కీలక పాత్రల్లో నటిస్తున్న ఈ మూవీలో రజినీకాంత్ పోలీస్ పాత్రలో కనిపించనున్నట్లు తెలుస్తోంది.

తాజాగా ఈ మూవీ నుంచి పోస్టర్ రిలీజ్ చేశారు మేకర్స్. ఈ మేరకు ‘వేట్టైయన్ ఈ సంవత్సరం అక్టోబర్‌లో థియేటర్లలోకి రావడానికి సిద్ధంగా ఉన్నాడు.. ఎరను వెంబడించడానికి సిద్ధంగా ఉండు’ అంటూ కాప్షన్ ఇచ్చారు. ఇందులో రజినీకాంత్ కూల్ షేడ్స్ ధరించి.. చేతిలో తుపాకీ పట్టుకుని చిరునవ్వుతో చూస్తున్నాడు. ప్రస్తుతం ఈ పోస్టర్ నెట్టింట వైరల్ కావడంతో.. ‘వేటగాడు తన మార్కును మర్చిపోవడం ఉండదు’ అంటూ కామెంట్లు పెడుతున్నారు నెటిజన్లు. కాగా.. ఈ చిత్రం ఇంగ్లీష్, తమిళ బాషల్లో పోస్టర్ రిలీజ్ చేశారు మేకర్స్.