S. S. Rajamouli :రాజమౌళితో సినిమా కోసం నాగార్జున ప్రయత్నాలు

దిశ,వెబ్‌డెస్క్: దర్శకధీరుడు రాజమౌళీ బాహుబలి సినిమాతో టాలీవుడ్ ను పాప్ ఇండియా స్థాయికి తీసుకెళ్లారు. ఆ తర్వాత వచ్చిన ఆర్‌ఆర్‌ఆర్ తో మరోసారి తెలుగు సినిమా స్థాయిని ప్రపంచానికి చాటాడు జక్కన్న. అయితే అంతర్జాతీయ గుర్తింపు రావడంతో రాజమౌళితో స్టార్ హీరోలు సినిమా చేయాలని అనుకుంటున్నారు. ఈ క్రమంలో కింగ్ నాగార్జున కూడా రాజమౌళితో సినిమా చేయాలని చూస్తున్నానని ఓ ఇంటర్వ్యూలో వెల్లడించారు.

చాలా సార్లు రాజమౌళిని అడగ్గా ఆయన చిరునవ్వుతో సమాధానం చెబుతున్నారని అన్నారు. అయితే రాజమౌళి కథ పూర్తయిన తర్వాత క్యారెక్టర్ ను ఎంచుకుంటారని అన్నారు. అలాంటి సమయం వచ్చినప్పుడే కలయిక సాధ్యం అవుతుందని చెప్పారు. ఆ రోజు కోసం ఎదురుచూస్తున్నానని తెలిపారు. ఇదివరకు నాగార్జున రాజమౌళి తండ్రితో రాజన్న సినిమా చేసిన విషయం అందరికీ తెలిసిందే. ప్రస్తుతం నాగార్జున 'ది ఘోస్ట్' సినిమా షూటింగ్ పూర్తి చేసుకుని దసరా కానుకగా అక్టోబర్ 5 విడుదలకు సిద్ధంగా ఉన్నారు.  

Also Read : నెరవేరనున్న బాలయ్య NBK ఫ్యాన్స్ కోరిక.. బయటికొచ్చిన కిక్కిచ్చే న్యూస్