హీరోయిన్ల బాధలను అర్థం చేసుకునే నిజమైన హీరో.. కింగ్‌పై మమతా ప్రశంసలు

దిశ, సినిమా: టాలీవుడ్ హీరోయిన్ మమతా మోహన్ దాస్ గురించి పరిచయం అక్కర్లేదు. అనతి కాలంలోనే స్టార్ హీరోలతో నటించి తనకంటూ మంచి గుర్తింపు తెచ్చుకుంది. తాజాగా ఓ ఇంటర్వ్యూలో పాల్గొన్న మమతా.. హీరో నాగార్జున గురించి పలు ఆసక్తికరమైన విషయాలు పంచుకుంది. ‘నాకు నాగార్జున నటించిన ‘కేడి’ సినిమాలో హీరోయిన్గా అవకాశం వచ్చింది. కానీ, అదే సమయంలో నేను క్యాన్సర్ బారిన పడ్డాను. దీంతో ఆ సినిమా చేయలేనని చెప్పాను. వారం తర్వాత నాగార్జునగారు నాకు ఫోన్ చేశారు.

ఇప్పటికీ మూవీలో బాల్యంలో ఉండే సన్నివేశాలు మాత్రమే పూర్తి చేస్తాను. మిగతా సన్నివేశాలకు కలిసి పని చేద్దామన్నారు. నా కోసం ఏకంగా డైరెక్టర్, నిర్మాత, నాగార్జునగారు 6 నెలల పాటు నాకు ఇబ్బంది కలగకుండా నాలుగు రోజులు మాత్రమే పనిచేసే విధంగా షెడ్యూల్ మార్చారు. నాగార్జున ఒక స్టార్ హీరో అయినప్పటికీ, ఆయన ఇండస్ట్రీలో హీరోయిన్ల సమస్యలు బాగా అర్థం చేసుకునే ఒకే ఒక్క మగాడు’ అంటూ పొగిడేసింది.