స్టైలిష్ లుక్‌లో నాగార్జున.. క్యూరియాసిటీ పెంచేస్తున్న ‘కుబేర’ పోస్టర్

దిశ, సినిమా: సూపర్ స్టార్ ధనుష్, కింగ్ నాగార్జున కాంబోలో వస్తున్న మోస్ట్-వెయిటెడ్ పాన్ ఇండియా మూవీ ‘కుబేర’. నేషనల్-అవార్డ్-విన్నింగ్ డైరెక్టర్ శేఖర్ కమ్ముల తెరకెక్కిస్తున్న ఈ చిత్రంలో రష్మిక ప్రధాన పాత్రలలో కనిపించనుంది. లీడ్ రోల్స్‌తో సహా రష్మిక మందన్న పాత్రని పరిచయం చేసిన పోస్టర్లు, గ్లింప్స్‌‌కు హ్యుజ్ రెస్పాన్స్ వచ్చింది. శ్రీ వెంకటేశ్వర సినిమాస్ ఎల్‌ఎల్‌పి, అమిగోస్ క్రియేషన్స్ ప్రైవేట్ లిమిటెడ్‌పై సునీల్ నారంగ్, పుస్కుర్ రామ్ మోహన్ రావు నిర్మిస్తున్న ‘కుబేర’ తమిళం, తెలుగు, హిందీ భాషల్లో మల్టిలింగ్వెల్ ప్రాజెక్ట్‌గా రూపొందుతోంది.

ఇక ఈ రోజు నాగార్జున పుట్టినరోజు కావడంతో.. ఈ సందర్భంగా మేకర్స్ నాగ్ సరికొత్త పోస్టర్‌ను విడుదల చేశారు. పోస్టర్‌లో నాగార్జున న్యూ లుక్‌లో, స్టైలిష్‌గా ఎదురుగా ఉన్నవారికి ఆప్యాయంగా పలకరిస్తూ కనిపించారు. అతని చిరునవ్వు ఎప్పిరియన్స్‌కి ఎలిగెన్స్‌ని యాడ్ చేసింది. హై బడ్జెట్‌తో అత్యంత ప్రతిష్టాత్మకంగా తెరకెక్కుతున్న ఈ చిత్రంలో జిమ్ సర్భ్ కీలక పాత్ర పోషిస్తున్నారు.